Ligjvënësi amerikan, Eliot Engel, tha të enjten në Preshevë, se nuk mbështet idetë për shkëmbim territoresh dhe përpjekjet duhet të përqendrohen në arritjen e një paqeje afatgjate ndërmjet Kosovës dhe Serbisë.
Ligjvënësi Engel qëndroi në Luginën e Preshevës, një rajon me shumicë shqiptare në jug të Serbisë në një mision faktmbledhës.
Pas takimit me kryetarin e komunës së Preshevës, Shqiprim Arifi, ai foli për përfshirjen e gjatë në Ballkan dhe posaçërisht për pavarësinë e Kosovës, ndërsa vuri theksin tek nevoja për një marrëveshje ndërmjet Kosovës dhe Serbisë.
“Nuk mendoj fare që është drejtim i duhur shkëmbimi i territoreve. Jam i shqetësuar për këtë sepse, nëse filloni të ndryshoni kufijtë në Ballkan, ku përfundon kjo? Ka shumë vende tjera që duan të ndryshojnë kufijtë dhe për këtë arsye Ballkani u fut në telashe në radhë të parë”, tha ai.
Zoti Engel tha se përpjekjet duhet të përqendrohen në arritjen e një paqeje afatgjate dhe marrëveshjeje ndërmjet Kosovës dhe Serbisë dhe për të arritur këtë, palët duhet të bisedojnë më njëri tjetrin.
“Shpresoj që kjo do të ndodhë dhe shpresoj që Shtetet e Bashkuara mund të luajnë po ashtu një rol pozitiv në këtë drejtim”, tha zoti Engel.
Ai shkoi në Luginën e Preshevës pas vizitës në Beograd, ku ai bisedoi me presidentin serb, Aleksandër Vuçiç, lidhur me bisedimet me Kosovën, arritjen e paqes dhe qëndrueshmërisë afatgjate në Ballkan dhe vënien e drejtësisë për të gjitha viktimat e luftës në Kosovë.
Zoti Engel, i cili njihet si një nga miqtë e mëdhenj të shqiptarëve dhe mbështetës i fuqishëm i zgjidhjes së çështjes së Kosovës, po qëndron në orët e mbrëmjes në Prishtinë, në manifestimet me rastin e ditës së pavarësisë së Shteteve të Bashkuara dhe përurimin e ndërtesës së ambasadës amerikane. VOA
Lajme të tjera
-
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Si Serbia po e zvogëlon numrin e shqiptarëve në Preshevë
14 Korrik, 14:18 -
Vulin zv.kryeministër në qeverinë serbe, Nexhat Behluli për Report Tv: Njihet si anti-shqiptar! Ka përdorur etiketime fyese
1 Maj, 12:35 -
Shpalosi flamurin shqiptar me rastin e festave të Nëntorit, Serbia dënon me gjobë kreun e Komunës së Preshevës
18 Prill, 22:07 -
Preshevë/ Shqiptari plagos gruan serbe dhe më pas vret veten
8 Mars, 12:22 -
Pas Preshevës, Veliaj shpallet ‘Qytetar Nderi’ nga Komuna e Bujanocit
13 Shkurt, 15:18 -
Nesër zgjedhjet parlamentare në Serbi, Begaj thirrje shqiptarëve të Luginës së Preshevës, Medvegjës dhe Bujanovcit: Merrni pjesë masivisht në votime
16 Dhjetor 2023, 11:30 -
Hasani fton shqiptarët e Luginës së Preshevës: Votoni më 17 dhjetor për të zgjedhur deputetë shqiptarë për Kuvendin e Serbisë
15 Dhjetor 2023, 21:48 -
Serbia paralajmëron hapjen e një shtabi policor në Preshevë
30 Nëntor 2023, 12:22 -
Tensione në Preshevë/ Sulmohet me gurë e mjete të rënda shtëpia e shqiptarit në Medvegjë, kërkohet ndihmë nga Shqipëria dhe OSBE
3 Tetor 2023, 16:32 -
Rikonstruktohet shkolla 'Dituria' në Preshevë, Erion Veliaj merr titullin ‘Qytetar Nderi’
16 Shtator 2023, 10:08 -
Veliaj në Luginën e Preshevës, takon kreun e komunës së Bujanovcit: Kur jemi bashkë, jemi më të fortë! Nagip Arifi: Mirënjohës që po ndihmoni arsimin shqip në Luginën e Preshevës!
21 Janar 2023, 13:55
