Ish shoferi në Drejtorinë e Burgjeve, Hamza Tola është lënë në burg me kërkesë të SPAK. Gazetari i Report Tv, Arsen Rusta ka siguruar dosjen se si merrte para duke i premtuar personave të ndryshëm se do t’i mbaronte punë pasi kishte akses dhe njohje në shtet. Një prej rasteve është kur Kastriot Kreku i kërkoi cerfitikatë pronësie dhe Tola premtoi se do ia jepte në këmbim të 3 mijë eurove pasi njihte drejtuesen e Kadastrës Sarandë.
Takimin për herë të parë e kishin në hotelin e Krekut, i cili në dëshminë e tij thotë se i bëri përshtypje Tola sepse interesohej për tokat dhe dokumentet. Në prezantim i kishte thënë se punonte në Ministrinë e Drejtësisë, por kur u interesua, Kreku mësoi se Tola punonte si shofer në Drejtorinë e Burgjeve në Tiranë. Pasi u njohën, nisën të bisedonin për legalizimin e tokës në Sarandë dhe ranë dakord që nëse do të nxirrej leja, mund të hapnin biznes së bashku.
“Nga fundi i muajit korrik 2021 takova një shtetas dhe më thotë që donte një dhomë me qera te hoteli im dhe i thashë që nuk kam dhe e çova përballë te një hotel dhe i thashë që pas tre ditësh mund të vish te hoteli tim.
Më bëri përshtypje sepse ky shtetas interesohej shumë dhe unë nuk i kisha shpjeguar asgjë, por ai interesohej për tokat, për dokumentet në përgjithësi. Që ditën e parë që erdhi në Borsh, darkën e hëngri te hoteli tim dhe aty filluam diksutonim dhe unë i shpjegova problemin që kisha. Ky shtetas mu prezantua si Hamza Haxhi Tola, i datëlindjes 13.12.1968 dhe më tha që punonte te Ministria e Drejtësisë dhe nuk ma tha pozicionin e se ku ishte, por kur u interesova e mësova që punonte si shofer në Drejtorinë e Burgjeve, në Tiranë. Pasi vajtëm te toka dhe e pamë të dy së bashku, Hamza Tola më siguroi që për këto toka do më nxirrte lejet që unë interesohesha dhe të dy ne ose fëmijët tanë mund të hapnin një biznes së bashku", thuhet në dëshmi.
Megjithatë Tola i dha siguri se do ia zgjidhte problemin me tokën dhe i kërkoi 3000 euro për disa shpenzime që duheshin për legalizimin. Në fund të shtatorit të vitit 2021 i tha se e kishte gati dhe i kërkoi që të paraqitej tek legalizimet për të bërë kërkesë për pajisje me certifikatë pronësie. Fillimisht i kishte dërguar 2000 euro dhe më pas i kërkoi shifrën 1000 euro në mënyrë urgjente duke i thënë se kishte problem dhe do bëhej kontroll tek ASHK Sarandë. Kjo shkaktoi debat mes tyre dhe prishje të marrëdhënies, aq sa Kastriot Kreku nuk është pajisur ende me certifikatë pronësie.
Hamza Tola më tha që problemin e tokës e kisha të mbaruar dhe realisht kështu ndodhi, ky shtetas më kërkoi që ka disa shpenzime për të legalizuar shtëpinë dhe më kërkoi 3,000 Euro dhe unë i dhashë 2,000 Euro dhe në fund të shtatorit, 2021 e përfundoi lejen e legalizimit. Unë mendova se pagesa prej 2,000 Euro ishte që unë s'kisha për të kryer më pagesa dhe Hamza Tola më tha që ik te legalizimet se e ke gati dhe merr faturat për të bërë pagesën. Kur vajta te legalizimet, mora faturat dhe vajta te banka dhe paguajta rreth 400,000 Lekë dhe u pajisa me lejen e legalizimit, të cilët pas 30 ditësh bëra kërkesë për tu pajisur Certifikatë Pronësie. Në datë 06.10.2021 unë bëra aplikimin për tu pajisur me certifikatë pronësie.
Tola më tha që njihjte drejtoreshën e ASHK-së Sarandë dhe më tha që kam folur me drejtoreshën, me shtetasen Aida Demi. Problemi qëndronte se Hamza Tola filloi të më kërkonte lekë të tjerë dhe me tha me duhen 1,000 Euro dhe mi kërkoi urgjentisht dhe unë ia dërgova këto lekë me Moneygram dhe këto Euro ia nisa shtetasit Ervis Gjuzi-t, i cili ishte shoku i ngushtë i Hamza Tolës. Këto leke mua mu kthyen nga Moneygram sepse ishte mbi limitin që kishte kompania, por pas 3 ditësh me ËesterUnion i dërgova 500 Euro shtetasit Ervis Gjuzi-t, për t'ia dhënë Hamza Tolës dhe shtetasi Hamza Tola ma konfirmoi që i mori këto lekë.
Kur u ktheva në Shqipëri, në fund të nëntorit, të vitit 2021 unë takova Hamza Tola dhe vajta te shtëpia e tij në Tiranë dhe më bëri përshtypje se më tha që kishte një problem dhe do bëhet kontroll te ASHK Sarandë dhe do të bënin kontroll, pra kjo ishte si një presion nga ana e tij për të treguar fuqinë që kishte. Unë fillova të debatoja dhe i prishëm marrëdhëniet dhe me tha nuk do ta marrësh me Certifikatën e Pronësisë sepse ai kishte lidhje me drejtoreshën e ASHK-së Sarandë. Që në moment që marrëdhënia jonë u prish, e vërteta është se unë nuk u pajisa me Certifikatën e Pronësisë dhe ky problem është edhe sot dhe unë nuk jam po pajisem dot”, thuhet në dëshminë e Krekut.
Lajme të tjera
-
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01 -
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Selenicë/ 77 vjeçari prej vitesh jeton në godinë të rrënuar, Report Tv apel për ndihmë shërbimit social e bashkisë
22 Dhjetor, 14:59
-
I vodhën me dhunë portofolin 66-vjeçarit, arrestohen 2 të miturit në Vlorë
22 Dhjetor, 11:59 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
