Lirimi i spitaleve nga bizneset
reagon Vasili: Refren qesharak

Kryetari i grupit të LSI, Petrit Vasili e cilëson si refren qesharak aksionin e Ministrisë së Shëndetësisë për lirimin e territorit tė spitaleve nė tė gjithė Shqipėrinė nga aktivitete dhe biznese qė nuk kanė lidhje me spitalet.
 
Sipas tij, një aksion i tillë u bë në 2013, ndërsa tani ngre pyetjen se kush është fajtori që qenkan ndërtuar prapë gjatë 2013-2017.
 
Vasili shprehet se është e qartë që s'ka asnjë vizion për shëndetësinë, s'ka strategji, ka vetëm  mediokritet, ndërsa shkon edhe më tej duke deklaruar se ky është shndërrimi i Ministrisë së Shëndetësisë në një drejtori komunale.
 
“Ministria e Shëndetësisë ose drejtoria komunale. Ministrja e Shëndetësisë tha se filloi të prishë ndërtimet pa leje nëpër spitale.
 
Pra, e filloi nga këtu ndonëse ky nuk ishte në asnjë pikë të programit të qeverisë për shëndetësinë.
 
Në 2013-n, Kryeministri, me bujurdi të madhe, si edhe ministri i Shëndetësisë, mbytën televizionet dhe shqyen fytin duke thënë se i spastruan spitalet nga ndërtimet pa leje.
 
Kush është fajtori që qenkan ndërtuar prapë gjatë 2013-2017, apo u desantuan nga diku larg? Apo kryeministri iku për turizëm dhe nuk di gjë as për këtë?
 
Ndërtimet pa leje, i njëjti refren qesharak për shëndetësinë në çdo fillim mandati.
 
Ështe i qartë që s'ka asnjë vizion për shëndetësinë, s'ka strategji, ka vetëm  mediokritet antimjeksor dhe thellim të qorrsokakut ku ajo ka hyrë. Ky është shndërrimi i Ministrisë së Shëndetësisë në një drejtori komunale” tha Vasili.
 
Manastirliu bëri me dije se do tė ndėrmarrė njė aksion pėr lirimin e territorit tė spitaleve nė tė gjithė Shqipėrinė nga aktivitete dhe biznese qė nuk kanė lidhje me spitalet. 


dy.b/shqiptarja.com