Presidenti i Federatës së Futbollit të Kosovës, Fadil Vokrri është liruar nga paraburgimi. Pasi është marrë në pyetje nga prokurori i gjykatës Themelore, Elez Blakaj, kryetari i Federatës së Futbollit të Kosovës është lënë i lirë, pas 48 orëve qëndrimi në Polici.

Lajmin e konfirmoi zëdhënësi i Federatës së Futbollit, Fazli Berisha. “Vokrri është liruar dhe rasti shkon në proces të rregullt gjyqësor, rreth supozimeve për aksidentin rrugor. Vokrri beson në organet dhe sistemin gjyqësor të Kosovë dhe është shumë i qetë”, tha Berisha.

Vokrri u arrestua të enjten nga Policia, pasi disa ditë më parë kishte shkaktuar aksident duke përplasur një femër,e cila e kallëzoi disa ditë më pas.