'Lironi Palestinën', qëlloi jashtë një sinagoge, arrestohet 28-vjeçari në SHBA

Një 28-vjeçar u arrestua të enjten (7 Dhjetor) në Albany, kryeqyteti i shtetit të Nju Jorkut në SHBA, pasi hapi zjarr jashtë një sinagoge por askush nuk u lëndua, njoftoi guvernatorja Kathy Hokul.

Të shtënat me armë ndodhën rreth orës 14:00. Policia nuk e identifikoi 28 vjeçarin por tha se ai është një banor vendas.

Ai qëlloi dy herë ndërsa bëri deklarata kërcënuese. Më pas u përpoq të ikte, por u kap nga një kalimtar dhe nga policia. Ngjarja ndodhi mes frikës në rritje të antisemitizmit në mbarë botën nga lufta e Izraelit në Gaza, e cila përballet me kritika të forta për rritjen e numrit të të vdekurve palestinezë, raportojnë mediat e huaja.

“Lironi Palestinën” u shpreh i riu teksa u arrestua nga policia. “Siguria e hebrenjve të Nju Jorkut është e panegociueshme. Çdo veprim antisemitik është i papranueshëm”, theksoi guvernatorja në sfondin e rritjes së antisemitizmit dhe sulmeve kundër hebrenjve në SHBA.

Një sinagogë, e referuar ndonjëherë me termin jidish shul dhe e referuar nga komunitetet e reformës si një tempull, është një shtëpi adhurimi hebreje. 

S.S/Shqiptarja.com

TAG:
• lufta ne rripin e gazes
• SHBA