Liz Truss bën kthesë të fortë, nuk do të ulë taksën për të pasurit në Britani

Kryeministrja e re e Britanisë Lizz Truss ka bërë një kthesë të fortë në lidhje me planin për të ulur tatimin mbi të ardhurat ndaj atyre që fitojnë mbi 150 mijë paund në vit, pas reagimit të ligjvënesve dhe një jave të trazuar financiarë për këtë cështje. Truss kishte njoftuar që do të ulte taksën e të pasurëve nga 45 përqind në 40 përqind

Qeveria britanike e drejtuar nga kryeminitrja Lizz Truss është tërhequr nga plani për të ulur tatimin mbi të ardhurat ndaj atyre që fitojnë mbi 150 mijë paund në vit, pas një reagimi të ligjvënesve dhe një jave të trazuar financiarë për këtë cështje.

Truss dhe ministri i saj i financave Kwasi Kwarteng, njoftuan një “plan të ri rritjeje” më 23 shtator ku përfshihet ulja e normës më të lartë të tatimit mbi të ardhurat në 40% nga 45% që është aktualisht.

Por plani shkaktoi një krizë të besimit të investitorëve në qeveri, duke goditur vlerën e paundit dhe duke tronditur tregjet globale në atë masë sa Banka e Anglisë duhej të ndërhynte me një program 65 miliardë paund për të përforcuar tregjet.

Ministri i financave Këasi Këarteng tha se "është e qartë se heqja e normës së taksës për fituesit më të lartë ka krijuar shpërqendrim nga paketa e zgjeruar e qeverisë dhe masat për trajtimin e krizës energjetike, si dhe për të ulur taksat në një shkallë më të gjerë.

G.MO/Shqiptarja.com

TAG:
• Britani e Madhe
• Liz Truss