POP 5

Lajmet më të lexuara të 5 minutave të fundit

Kronikë

Llogaridhënia publike, Xhaçka në Dibër: Investimet sipas prioriteteve

Ministrja e Mbrojtjes, Olta Xhaçka, deklaroi para banorëve të njësive administrative Sllovë e Fushë Ali, në qarkun e Dibrës se asnjë zyrtar i shtetit nuk ka imunitet politik nëse nuk kryen me përgjegjshmëri detyrën.
Llogaridhënia publike, Xhaçka në Dibër: Investimet sipas prioriteteve

Ministrja Olta Xhaçka

Ministrja e Mbrojtjes, Olta Xhaçka, deklaroi para banorëve të njësive administrative Sllovë e Fushë Ali, në qarkun e Dibrës se asnjë zyrtar i shtetit nuk ka imunitet politik nëse nuk kryen me përgjegjshmëri detyrën.

Gjatë turit të llogaridhënies publike, si e ngarkuar e qeverisë, ministrja Xhaçka kërkoi të dijë nga banorët shqetësimet, me të cilat ata përballen çdo ditë.

Dua që të dini se, asnjëri prej nesh nga unë e para apo çdo përgjegjës i zyrave të shtetit që është sot këtu, nuk ka imunitet politik nëse nuk mund ta bëjmë me përgjegjshmëri dhe me aftësi ashtu siç duhet punën. Duke i shërbyer gjithsecilit sipas pritshmërive që keni për ne. Edhe kjo është shumë e rëndësishme, prandaj kemi ardhur që të na thoni çfarë nuk shkon, çfarë nuk arrini të zgjidhni në zyrat e shtetit, çfarë do donit që ta bënit më mirë dhe si mund t’ju ndihmojmë që hallet që keni t’i çojmë përpara bashkërisht për t’i adresuar.

Olta Xhaçka, ministre e Mbrojtjes

Duke bërë krahasimin me buxhetin e një familjeje, ministrja Xhaçka tha se duhen vendosur disa prioritete, pasi nevojat janë të shumta dhe mundësia është e vogël për t’i bërë të gjitha.

Sa më mirë t’i menaxhojmë financat publike, aq më të aftë do të jemi të mbledhim aq të ardhura sa të rrisim investimet edhe të mirat që vijnë pastaj prej investimeve në zonë. Sot kemi më shumë para në buxhet, kemi më shumë mundësi për të shtruar rrugë, kemi më shumë mundësi për të investuar në kanalet vaditëse, kemi më shumë mundësi për të rikonstruktuar shkolla, etj. Dhe mundësitë sa vijnë dhe do të rriten, por ama, atë listën e prioriteteve se çfarë bëhet e para, se çfarë bëhet e dyta, çfarë bëhet e treta, duhet ta bëjmë bashkë, sepse ato janë vendime që realisht ju takojnë juve dhe pritshmëria që ju keni prej nesh, jam e bindur që është për ato që duhet të bëjmë bashkë.

Olta Xhaçka, ministre e Mbrojtjes

Gjatë bashkëbisedimit me banorë të zonës së Fushë Ali, Xhaçka u shpreh:

Pavarësisht pamundësisë financiare nuk ka asnjë justifikim që ne që jemi sot këtu, që falë votës tuaj, jo domosdoshmërisht të gjithësecilit prej jush, por kjo është e parëndësishme, kemi privilegjin t’ju shërbejmë edhe të çojmë përpara ato që janë aspiratat dhe nevojat tuaja, shqetësimet tuaja dhe të gjejmë zgjidhje të gjithë bashkë për të përshpejtuar zgjidhjen e tyre.

Ministrja u premtoi banorëve të Sllovës e Fushë Aliut, se do të ketë të tjera takime për të vendosur për investimet që duhen të parat, siç janë kanalet vaditëse apo rrugët.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01