POP 5

Lajmet më të lexuara të 5 minutave të fundit

Politikë

LRI prezanton programin
për të rinjtë "Praktikë Pune"

Lëvizja Rinore për Integrim (LRI) prezantoi sot programin për punësimin e të rinjve. Nëpërmjet një deklarate për mediat, kreu i LRI-së, Endrit Braimllari tha se programi “Praktika Pune” është një mundësi e mirë për të fituar eksperiencë pune.
TIRANE - Lëvizja Rinore për Integrim (LRI) prezantoi sot programin për punësimin e të rinjve. Nëpërmjet një deklarate për mediat, kreu i LRI-së, Endrit Braimllari tha se programi “Praktika Pune” është një mundësi e mirë për të fituar eksperiencë pune.

“LRI mirëkupton vështirësitë që të rinjtë kanë për tu punësuar pas përfundimit të studimeve të larta, në kuadër të kësaj, falë bashkëpunimit që kemi arritur me biznese private, ne sot prezantojmë zyratarisht një program praktikash pune, i cili do t'ju japë mundësinë studentëve të fitojnë eksperiencën që u duhet, për të konkuruar në tregun e punës.”, tha Braimllari.

Kreu i LRI-së tha se projekti në fjalë është realizuar në bashkëpunim me biznesin vendas.

“Bizneset pjesëmarrës në program kanë ofruar hapësirat dhe ekspertët e tyre, për të zhvilluar këto praktika, të cilat do të jenë të degëve të ndryshme: financë, menaxhim, teknologji informacioni, degë të ndryshme të inxhinierisë, drejtësi, punë sociale, marrëdhënie me publikun etj dhe do të zgjatin nga 1 deri në 6 muaj.”, u shpreh kryetari i LRI-së, Endrit Braimllari.

Së fundi, Braimllari i bëri thirrje sektorit publik “të bëhet pjesë e këtij program, duke kontribuar për një të ardhme më të sigurtë të të rinjve shqiptarë.”

SI TE APLIKONI
Për të aplikuar duhet të plotësoni këtë formular, I cili gjendet në faqen zyrtare të Lëvizjes Socialiste për Iintegrim, lsi.al. Tek kjo faqe mund të gjeni të gjithë informacionin për këtë program, kriteret e përzgjedhjes dhe detajet e aplikimit.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50