LSI, Petrit Vasili: Drejtësia e
goglave është për t'u refuzuar

Kreu i grupit parlamentar të Lëvizjes Socialiste për Integrim, Petrit Vasili, nëpërmes postimit të tij në facebook u shpreh se Ligji ka vetëm një lexim: të zbatohet pikë për pike siç është shkruar. Operacioni Ndërkombëtar i Monitorit ka deklaruar se kandidaturat për Këshillin e Lartë të Prokurorisë dhe të Këshillit Gjyqësor janë skualifikuar në përputhje me ligjin. Ai shton se Kryeministri me  reformen në drejtësi nënkupton: "po e fillojmë duke e shkelur ligjin pastaj e respektojmë rrugës".

Postimi i tij në Facebook:  

ONM dhe shefja e misionit Calavera na thotë qe kandidatët e rrezuar prej tyre ONM e paska bërë sipas ligjit.

Po kush e ka shkelur ligjin?

Maxhoranca e ka shkelur ligjin në mes të ditës dhe kandidatët e përjashtuar nga ONM i pranoi,i zgjodhi dhe i votoi.

Ligji nuk ka dy lexime,por ka vetëm një lexim: të zbatohet pikë për pike siç është shkruar.

Këta kandidatë që ONM i përjashtoi si të padenjë u hodhen te goglat dhe u zgjodhen nga goglat.

Drejtësia e goglave është pra edhe sipas ONM një short mes të paligjshmeve, pra një drejtësi kundër ligjit e zhytyr në batakun e antiligjit.

Drejtësia e goglave të kandidatëve të paligjshëm ishte drejtësi për tu refuzuar e për tu përbuzur.

Gjynah për këdo.... që u ekzaltua dhe mbrojti drejtësine e paligjshme të goglave.

ONM pranon që ligjet janë lexuar sipas qejfit nga maxhoranca.

Po ONM ështe përbërë nga përfaqesues të SHBA dhe BE.

Po këta perfaqesuesit e BE dhe SHBA në Tirane këte ONM e tyre a e dëgjojnë?

Se këta BE dhe SHBA në Tiranë opoziten dihet që nuk e dëgjojne bile e pergojojnë dhe e mallkojnë, se këta e duan Shqipërine më shume se shqiptarët e opozites që janë kundër maxhorances së droges dhe korrupsionit.

Reforma në drejtësi është zhytyr në batakun e antiligjit.

Kryeministri në reformen në drejtësi po ecen me moton shkatërrimtare "po e fillojme duke e shkelur ligjin pastaj e respektojme rrugës".

Kësaj moto-je shkatërrimtare po i bëjnë shërbim edhe ca të huaj herë me deklarata herë me lobime të shumta të ndotura e pas kuintave.

Prokurorja e pergjithshme u zgjodh pa veting dhe me 69 vota nga 84 qe kushtetuta kerkon.

Anëtaret e KLP dhe KLGJ u zgjodhen gjithfaresh që dhunonin ligjin: ca që ONM i rrëzoi si të padenjë,ca që kishin qenë spiune të sigurimit, ca kishin bërë gjyqe politike në kohë të komunizmit,ca që kishin bërë evazion fiskal.

Është tragjik rrënimi i ëndrrës së shqiptarëve për një drejtësi të re, të bazuar vetëm në ligj dhe të barabartë për të gjithë.

Kjo ëndërr u fik nga paratë e pista të droges dhe korrupsionit,cdo alibi në shqip dhe anglisht është vetëm inkriminim akoma më i thellë në këtë faj historik.

 

d.gj/ Shqiptarja.com