POP 5

Lajmet më të lexuara të 5 minutave të fundit

Politikë

‘Drejtësia’ Rama tek PBDNJ: 21
korriku ndan fatin e gjeneratës

Kryeministri i vendit Edi Rama teksa ka folur në Kongresin e Partisë për të Drejtat e Njeriut, ku është prezantuar programi politik i saj, është ndalur tek Reforma në Drejtësi, kau ka thënë se Partia Demokratike po shqetësohet për politikanët, duke mos menduar fare për drejtësinë që duan shqiptarët. Ai ka shtuar se 21 korriku është dita kur do të përcaktohet fati i gjeneratës tjetër.  VIDEO
Raportet Rama-Dule të tensionuara
‘Drejtësia’ Rama tek PBDNJ: 21<br />korriku ndan fatin e gjeneratës
“Gjyqtarë me 18 shtëpi, vendime abuzive për pronat”. Është kjo ajo çfarë duhet ndryshuar 21 korrik sipas kryeministrit Rama, datë ku do të përcaktohet fati i një gjenerate. Mesazhin e fortë shefi i qeverisë e përcolli nga kongresi i PBDNJ-së, aleati i dikurshëm, marrëdhëniet me të cilin prej kohësh ishin të tensionuara .Negociatat me demokratët për formulën e vetingut vijojnë, por vija e kuqe sipas kryeministrit është përcaktuar nga ndërkombëtarët.  

"Sa i përket Reformës në Drejtësi, Partia Demokratike po shqetësohet për politikanët. Të bëjmë zgjedhje që shkojnë përtej partive politike. Reforma është shembja e strukturës që kemi, kjo strukturë nuk funksionon. Është e kapur dhe e korruptuar. Ne mund të bëjmë në letër një strukturë të re, por a i transformojmë banorët e shtëpisë së vjetër në shtëpinë e re pa i kaluar më parë në një sitë, skaner etik e profesional? Duhet vullnet politik. Gjykatësit e prokurorët po bëjnë tregti me drejtësinë. Ka gjykatës në Shqipëri që kanë deklaruar 18 shtëpi. Nuk ka mëndje të arsyeshme që refuzon drejtësinë. Reforma në Drejtësi lidhet me fatin e vendit. Gjykatësit e prokurorët do kalojnë në sitë’ tha Rama.

Duke u ndalur tek neni i shumë debatuar dhe pika ku ndan palët, neni 88 i rekomandimit të Venecias, Rama ka thënë se gjithë ndërkombëtarët e lexojnë ndryshe ndërkohë që Partia Demokratike e shikon ndryshe. Ai ka shtuar se më 21 korrik nuk do të miratohet thjeshtë një ligj, por do të miratohet fati i gjeneratës tjetër, asaj me një drejtësi që mbikëqyret nga faktori ndërkombëtar.

“Neni 88 gjithë bota e lexon ndryshe dhe vetëm Partia Demokratike e lexon ndryshe. Më 21 korrik përcaktohet fati i një gjenerate dhe jo i një ligji. Kush thotë diçka tjetër, ka arsyet e veta. Të mos votosh për ti detyruar partitë të bëjnë një hap mbrapa dhe për ti hapur rrugë një procesi të mbikëqyrur ndërkombëtarisht, kjo ështe e pafalshme. Neni 88, ne kemi dhënë konsensus për të siguruar pjesëmarrjen e partive në përzgjedhjen e komisionit të vettingut, por jo me vende të rezervuara” tha Rama.

rama
 

Sa i përket pronave, Rama ka thënë se Reforma në Drejtësi është një domosdoshmëri, ndërkohë që në Shqipëri ‘pronarët” po kërkojnë pronat e tyre pa pasur edhe dokumentet. Ndërkohë që ka shtuar se, edhe Butrintit i ka dalë pronari, nga pronar më të vjetër se Butrinti.

“I ka dalë pronari Butrintit. Butrinti me pronar, sikur ti dilte pronari Akropolit. Historia e pronave në Shqipëri është historia më e pabesueshme. Shfaqen pronarë që s’kanë asnjë dokument mbi pronën” tha ai.

Por Rama nuk ka lënë pa komentuar edhe marrëdhëniet e “ftohta” që kohëve të fundit çuan në largimin nga koalicioni të PBDNJ-së, ku ka thënë se PS në këto 25 vite ka qenë më pranë PBDNJ-së.  
 
“PBDNJ është një ombrellë për gjithë minoritarët në Shqipëri. Ne kemi qenë pranë, pasi për PS minoriteti ka qenë i afërt. PS ka të drejtën të krenohet për gjithë solidaritetin që ka treguar në 25 vite me popullin e minoritetit. Ka gjëra që duhen bërë mirë, sfida që duhen përballuar, ka problem, por e vërteta është që një fill i gjatë dhe i pandërprerë miqësie e vëllazërie e lidh PS me minoritetin. Me Dulen jemi miq, prandaj nuk shkojmë gjithmonë mirë’ tha ai.

Kryeministri i vendit Edi Rama mori pjesë në kongresin e Partisë Bashkimi i të Drejtave të Njeriut ku u prezantua programi politik, duke iu përgjigjur kështu ftesës së tij. Prej kohësh marrëdhëniet e Ramës dhe Dules kanë qenë të tensionuar dhe shkak për këtë u bë futja e PDIU-së në koalicionin qeverisës. Për këtë shkak Dule dha dhe dorëheqjen nga posti i nënkryetarit të Kuvendit të cilin aktualisht e mban Shptim Idrizi i PDIU-së.

rama dule
Dule dhe Rama sot në kongresin e PBDNJ-së

rama dule
Dule dhe Rama sot në kongresin e PBDNJ-së

vangjel dule
Paloka, Dule dhe Rama sot në kongresin e PBDNJ-së

Redaksia Online
(F.T/shqiptarja.com)
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Ç'na tregoi më 23 Nëntor Altin Dumani?

Ergys Mërtiri: Ç'na tregoi më 23 Nëntor Altin Dumani?

24 Nëntor, 08:47 nga Ergys Mërtiri