POP 5

Lajmet më të lexuara të 5 minutave të fundit

Politikë

‘Frrokaj’ Basha: Kur do dalë para
drejtësisë Tahiri, Dako e Sejdini?

Kryetari i PD, Lulzim Basha në përfundim të mbledhjes së grupit në një komunikim me mediat ka folur edhe për vendimin e gjykatës së Lezhës, që liroi nga burgu Fran Frrokajn, që u arrestua para tre ditësh për tjetërsim të pronave.
Kryetari i PD, Lulzim Basha në përfundim të mbledhjes së grupit në një komunikim me mediat ka folur edhe për vendimin e gjykatës së Lezhës, që liroi nga burgu Fran Frrokajn, që u arrestua para tre ditësh për tjetërsim të pronave. Basha tha se nuk gjykon vendimet e drejtësisë, por akuzoi se nuk përdoret i njëjti standard edhe për socialistët. Gjithashtu lideri demokrat vijoi akuzat për Tahirin.

“Nuk kam marrë kurrë përsipër të gjykoj vendimet e gjyqësorit. Drejtësia është ajo që funksionon në mënyrë të barabartë, pse nuk është arrestuar Roshi, apo socialistët e tjerë? Mos heshtni, kërkoni llogari. Rama ka një synim, të shpëtojë varkën që po mbytet.

Kur do të dalë Saimir Tahiri para drejtësisë. I akuzuar nga Italia si njeriu kyçi i trafikut të drogës. Kur do të vendosen para drejtësisë kokat e policisë që janë arratisur. Kur do të dalë para drejtësisë Dako, Sejdini dhe grupi kriminal i Elbasanit, nyjes së heroinës, por edhe Gjiknuri. Këto cështje nuk mund të harrohen. Pa u vendosur këta njerëz para drejtësisë, ka vetëm propagandë” deklaroi Basha.

Gjykata e Lezhës liroi sot nga burgu kryetarin e Bashkisë së këtij qyteti, Fran Frrokajn, dhe 9 zyrtarë të tjerë të bashkisë dhe hipotekave, ndërsa ka lënë në burg 2 zyrtarë të tjerë. Pas një seance të gjatë prej rreth 4 orësh, gjykata caktoi masën e sigurisë 'arrest shtëpie' për Frrokajn dhe 9 zyrtarë, dhe 'arrest me burg' për 2 zyrtarët e tjerë, të cilët u arrestuan pasi akuzoheshin për abuzim me pronat te 'Rana e Hedhun'. Gjithsej, policia arrestoi 12 zyrtarë, ku 2 janë lënë në burg, ndërsa 9 janë liruar dhe do të jenë në mbikëqyrje elektronike.

d.b/shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10