Lu tha se frymëzohet nga historia e një gruaje e cila vuajti në dyert e gjykatave për shkak të korrupsionit,
"Historia e një gruaje që ishte rrahur për shumë vite nga burri i dënuar për krime seksuale më frymëzon të flas për korrupsionin, pas disa viteve ajo vendosi ta linte të divorcohej. Ajo shkoi të kërkonte drejtësi por gjykatësi s'ja dha, ja dha kujdestarinë burrit dhe pasurinë.Pse duhet të vendoste një gjyqtar në favor të një personi të tillë.Korrupsioni po shkatërron jetët e njerëzve , sa nga ne kanë dëgjuar historia të tilla? Shumë"-tha ai
Ambasadori amerikan në vendin tonë, gjithmonë i drejtpërdrejtë, rrëfeu për bisedën që kishte pasur me një politikan shqiptar i cili i ishte shprehur se shqiptarët nuk e kuptojnë reformën në drejtësi dhe korrupsionin.
"Kam pasur një diskutim me një politikan që pretendonte se populli shqiptar nuk mund ta kuptojë debatin për reformën tipikë për arrogancën e politikanëve dhe elitën e politikës që besojnë se vetëm ata janë mjaftueshëm të zgjuar.Studimi tregon se problemet më të mëdha të korrupsionit vazhdojnë të mbetet te gjykatës prokurorë e doganierë. Ky përfundim e tregon se populli e kupton se ç'po ndodh me korrupsionin në vend.-shtoi ambasadori
Duke cituar rezultatet e këtij sondazhi, Lu tha se qytetarët shqiptarë e shohin problemin e korrupsionit tek udhëheqësit e partive politike, prokurorët, gjykatësit dhe doganierët. Kjo sipas Lu-së, tregon se shqiptarët në fakt, e kuptojnë më së miri këtë problem, duke lënë të kuptohet se ai mbështet këtë shqetësim të tyre dhe e gjen korrupsionin pikërisht tek këta zyrtarë. Ky është momenti që sipas kryediplomatit tregon se politikanët duhet të dëgjojnë popullin.
“Korrupsioni po shkatërron jetën e qytetarëve të ndershëm”, u shpreh ambasadori.
89% e shqiptarëve mendojnë se korrupsioni i zyrtarëve publik është i përhapur, ose shumë i përhapur sipas sondazhit të Institutit për Kërkimet dhe Alternativat e Zhvillimit Sipas ketij sondazhi një në tre shqiptarë mendojnë se korrupsioni është rritur krahasuar me tre vitet e fundit.
Fjala e plotë e ambasadorit të Shteteve të Bashkuara të Amerikës, Donald Lu
Redaskia online
(s.m/shqiptarja.com)