Më duket se nuk zgjidhet çështja e grave, e pjesëmarrjes së tyre e masivizimit të tyre me një ndryshim fjalësh në “Himnin Kombëtar”. Sepse gjendja tyre prapë mund të jetë njësoj. Puna është që gratë në realitet të kenë të drejtat e tyre, që sot ua mohojnë, s’i kanë në shkallën e duhur. Pastaj, ajo shprehja “Kush është burrë nuk frikohet...” nuk i referohet burrit si mashkull, i referohet trimit. Por nga ana ligjore çdo gjë është e mundur të bëhet. Me vendim Kuvendi ndryshohet Himni Kombëtar. Por kjo nuk ka shumë rëndësi. Mund ta heqim atë dhe mund të bëjmë një himn të ri. Siç e kanë bërë edhe vende të tjera. Mund ta bëjnë, por këmbëngul kjo nuk zgjidh asgjë. Është një gjë pa rëndësi para thelbit të gjërave. Është diçka e kotë, krejt absurde.