POP 5

Lajmet më të lexuara të 5 minutave të fundit

Ekonomi

Luftë informalitetit, tregtarët Ramës
"Më mirë të gjtihë të barabartë"

Një nga rrugët tregtare kryesore të Lezhës ishte ndalesa e Kryeministrit Edi Rama në javën e dytë të operacionit kundër informalitetit, për të parë ecurinë e operacionit në terren. Njësi shitjeje për veshje, një pikë tregtimi e artikujve të ndryshëm, bar-kafe, farmaci veterinare etj.. ishin disa nga njësitë tregtare ku u ndal Kryeministri, teksa në to, grupet e punës po kryenin veprimet e verifikimit të ligjshmërisë së aktivitetit tregtar, pajisjes me kasë fiskale dhe përdorimit të saj.    
Një nga rrugët tregtare kryesore të Lezhës ishte ndalesa e Kryeministrit Edi Rama në javën e dytë të operacionit kundër informalitetit, për të parë ecurinë e operacionit në terren. Njësi shitjeje për veshje, një pikë tregtimi e artikujve të ndryshëm, bar-kafe, farmaci veterinare etj.. ishin disa nga njësitë tregtare ku u ndal Kryeministri, teksa në to, grupet e punës po kryenin veprimet e verifikimit të ligjshmërisë së aktivitetit tregtar, pajisjes me kasë fiskale dhe përdorimit të saj.    

Kryeministri u takua me pronarët e këtyre bizneseve dhe grupet e verifikimit. Biznesmenët e vegjël të Lezhës shprehën mbështetjen për këtë operacion, duke e cilësuar si të drejtë, që duhej bërë kohë më parë, por mbi të gjitha do të nxisë konkurrencën e ndershme mes tyre. "Duhet të jemi të gjithë njëlloj dhe jo ne të paguajmë dhe të tjerët jo. Jam shumë e kënaqur që po arrin edhe Shqipëria si vendet e tjera," - tha pronarja e një dyqani veshjesh.

Ndërsa një tjetër biznesmen i vogël, me krenari i thotë  Kryeministrit se është i pari në Lezhë që ka vendosur kasën fiskale. "I paguaj të gjitha taksat shtetit dhe kjo është shumë e mirë, që të jemi të gjithë të barabartë. Është iniciativa më e mirë dhe të përgëzoj," - u shpreh ai. 

Prerja e kuponit tatimor, për Kryeministrin, është edhe vendosje e barazisë në ushtrimin e aktivitetit tregtar. "Më mirë të gjithë të barabartë, sesa disa me kuponë dhe disa me dorën në xhepin e tjetrit," - u shpreh Kryeministri.

Pronari i një bar-kafeje ngriti shqetësimin e çmimit të lartë të kasave fiskale, për të cilën mori nga Kryeministri sigurinë se nga sot, çmimi i kasave fiskale ulet, sikundër edhe ai për mirëmbajtjen e tyre. 

"Ne kemi bërë një ndërhyrje dhe çmimi i kasave do të bjerë nga 330 në 279 euro dhe pjesa tjetër, ajo e mirëmbajtjes do të jetë një shkurtim drastik. Praktikisht, vijmë në çmimet që janë më të ulëtat që ka edhe në rajon," - nënvizoi Kryeministri. Gjatë bisedave me ta, i ftoi që në rast se sjellja grupeve të verifikimit nuk është korrekte, t'i denoncojnë. 

Nga data 1 deri më 6 shtator të 2015, krahasuar me 1 deri 6 shtator të 2014, kuponat kanë shkuar nga 3.9 milionë, në 6.2 milionë dhe vlera e tatueshme ka shkuar nga 68 milionë dollarë, në 82 milionë dollarë.

Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

10 Janar, 18:15