Mbahet në Kiev samiti BE-Ukrainë, Michel: E ardhmja juaj është në union! Zelensky: Nisni negociatat e anëtarësimit këtë vit

Departamenti Amerikan i Thesarit ka vendosur sanksione ndaj tetë menaxherëve të një kompanie iraniane që prodhon dronë  në përgjigje të mbështetjes së Teheranit ndaj  Rusinë në luftën e saj kundër Ukrainës. Kompania Paravar Pars ishte sanksionuar tashmë nga SHBA dhe BE për prodhimin e dronëve për Forcën Hapësinore Ajrore të Korpusit të Gardës Revolucionare Islamike. 

Një raketë e një lloji të ri, që do të dyfishonte rrezen e sulmit të Ukrainës në luftën e saj me Rusinë, është përfshirë në paketën më të fundit të ndihmës ushtarake të Uashingtonit për Kievin, prej 2,175 miliardë dollarësh, njoftoi të premten Pentagoni. Arma e re, me diametër të vogël që lëshohet nga toka (GLSDB), do t'i japë mundësi ushtrisë së Ukrainës të godasë objektivat që ndodhen në dyfishin e distancës së arritshme nga raketat që ka aktualisht në dispozicion Ukraina e që lëshohen nga Sistemi i Raketave të Artilerisë me Lëvizshmëri së Lartë (HIMARS) të furnizuara nga SHBA-të.

Raketat e reja përshkojnë një distancë prej 151 kilometrash, duke arritur praktikisht deri tek të gjitha linjat e furnizimit të Rusisë në Ukrainën lindore, si dhe një pjesë të Krimesë një territor ukrainas që u aneksua nga Rusia, në vitin 2014.

Premtimi amerikan për ndihmë, që u njoftua të premten i hap rrugë dërgesave të tjera me këtë lloj arme (GLSDB). Me mbërritjen në Ukrainë të raketave të reja, kjo do të shënojë për herë të parë për Ukrainën një rritje eksponenciale të gamës së saj me raketa, që nga marrja e sistemeve amerikane HIMARS në fund të qershorit 2022. Sistemet HIMARS kanë një rreze prej 77 kilometrash dhe kanë qenë të rëndësishme në kundërsulmin e Ukrainës kundër forcave ruse, të cilat e sulmuan këtë vend më 24 shkurt të vitit 2022.

Në përgjigje, zëdhënësi i Kremlinit Dmitry Peskov i tha agjencisë së lajmeve RIA se ishte e rëndësishme të mos harrohej ajo që Presidenti Vladimir Putin tha në Volgograd të enjten. Në një fjalim zoti Putin tha se "ne kemi mjetet për t'iu përgjigjur dhe nuk do të përfundojë me përdorimin e mjeteve të blinduara. Të gjithë duhet ta kuptojnë këtë".

Fondet e premtuara amerikane do të përdoren gjithashtu për blerjen e dy njësive të mbrojtjes ajrore HAWK, sistemeve kundër dronëve, kundër-artilerisë dhe radarëve të mbikëqyrjes ajrore, pajisje komunikimi, dronë PUMA dhe furnizimeve mjekësore.

Kjo ndihmë përfshin më shumë municione me saktësi të lartë për sistemet HIMARS, 190 mitralozë të rëndë si dhe municione për të rrëzuar dronë, apo edhe raketa antitank Javelin. Deri tani ndihma e Shteteve të Bashkuara për Ukrainën që nga fillimi i sulmit rus, arrin në më shumë se 29.3 miliardë dollarë./VOA

Sistemi i mbrojtjes kundërajrore ‘Samp-T’ i prodhimit italo-francez do t'i dorëzohet Ukrainës "në pranverën e vitit 2023".

Kështu thuhej në një shënim të ministrisë italiane të Mbrojtjes pas një bisede telefonike të zhvilluar pasdite midis ministrit Guido Crosetto dhe ministrit francez të Forcave të Armatosura Sébastien Lecornu. Në bisedën e tyre u përcaktuan detajet teknike për dërgimin e sistemit raketor, i cili do të lejojë Ukrainën të mbrohet kundër sulmeve nga dronët, raketat dhe avionët rusë.

Presidentja e Komisionit Evropian, Ursula von der Leyen ka folur në lidhje me embargon e Bashkimit Evropian ndaj naftës ruse duke thënë se hyn në fuqi ditën e diel. 

"Ne duhet të vazhdojmë ta privojmë Rusinë nga mjetet për të luftuar kundër Ukrainës. Ndalimi i importit të BE-së për produktet e naftës ruse hyn në fuqi të dielën. Me G7 ne po vendosim kufij çmimesh për këto produkte, duke ulur të ardhurat e Rusisë dhe duke siguruar stabilitet tregjet globale të energjisë”, kështu presidentja e Komisionit Evropian, Ursula von der Leyen , në Twitter.

Kryeministrja e Italisë Giorgia Meloni ka deklaruar se do të zhvillojë një viiztë në Kiev para datës 24 shkurt. Meloni e bërë këtë më dije pas takimit në Berlin me kancelarin gjerman Olaf Scholz.

Unë do të jem në Kiev "në javët në vijim, para 24 shkurtit". "Kam rënë dakord me presidentin ukrainas Zelensky", Përpjekjet" për dialog "duhet të intensifikohen, por nuk mund të parandalohet". Popullit ukrainas të jetë i lirë”.

"Kjo pyetje tashmë ka marrë përgjigje në vetë Bashkimin Evropian: Ukraina është vite dritë larg anëtarësimit në BE ." Kështu deklaroi zëdhënësja e Ministrisë së Jashtme ruse, Maria Zakharova, e pyetur për të komentuar fjalët e kryeministrit ukrainas Denys Shmyhal për planet e Kievit për t'u anëtarësuar në Union pas dy vitesh.

"Anëtarësimi në BE është një maratonë, jo një sprint," tha Zakharova. “Siç e dimë, disa ‘atletë’ – Turqia, për shembull – kanë më shumë se 30 vjet që vrapojnë”, theksoi ai.

Shtetet e Bashkuara të Amerikës kanë mbështetur Ukrainën edhe më parë, por tani kanë njoftuar paketën e re të mbështetjes. Uashingtoni ka njoftuar një paketë të re sigurie prej 2.175 miliardë dollarësh për Ukrainën.

Departamenti i Mbrojtjes i SHBA tha se kjo do të përfshijë aftësi kritike të mbrojtjes ajrore, raketa konvencionale dhe me rreze të gjatë. Ne do t'ju sjellim më shumë për këtë pasi ta marrim.

Presidenti ukrainas, Zelensky ka folur për vizitën e tij në Bruksek dhe thotë se është shumë i rrezikshëm një udhëtim i tillë, por jo i padëshiruar. 

"Unë me të vërtetë dua të shkoj" në Bruksel për një vizitë, por ka rreziqe shumë të rëndësishme, Charles (Michel ed) e di këtë sepse ne kemi folur për të shumë herë, sepse Rusia dëshiron të përpiqet të hakmerret" prandaj ka shumë rreziqe të konsiderueshme për udhëtimin tim eventual jashtë vendit", kështu tha presidenti ukrainas, Volodymyr Zelensky , duke iu përgjigjur  pyetjes së  fundit në konferencën e përbashkët për shtyp me presidentin e Këshillit Evropian Charles Michel dhe me presidenten e Komisionit të BE-së Ursula von der Leyen

Gjermania ka miratuar eksportin e tankeve të tipit “Leopard 1” në Ukrainë nga rezervat e saja industriale, konfirmoi një zëdhënës i qeverisë në një konferencë për media në Berlin të premten.

“Mund të konfirmoj se është lëshuar leja e eksportit”, tha zëdhënësi. Ai nuk pranoi të komentojë se sa tanke do të eksportohen.

Siç shkruan Reuters, gazeta gjermane SZ më herët raportoi se kompanitë Rheinmetall dhe Flensburger Fahrzeugbau Gesellschaft janë gati të rilokojnë dhjetëra tanke "Leopard 1" në mënyrë që t'i dorëzojnë ato në Ukrainë për të luftuar pushtimin rus.

“BBC” bazuar në burime të hapura, ka arritur të identifikojë emrat e më shumë se 13,000 ushtarëve rusë të vrarë gjatë luftës në Ukrainë, mes të cilëve edhe 924 rekrutues. Që në ditën e parë të luftës, shërbimi rus i “BBC”-së në bashkëpunim me website Mediazona (që në Rusi konsiderohet si ‘agjent i huaj’) dhe një grup vullnetarësh, ka përpiluar një listë me emrat e rusëve të vrarë në Ukrainë. Deri më sot janë identifikuar detajet e 13.030 ushtarëve dhe oficerëve.

Vetëm javën e fundit sipas raporteve u tha se 500 ushtarë rus kishin humbur jetën gjatë luftimit në Ukrainë. Shumica e të vdekurve në tre muajt e fundit janë rekrut, vullnetarë dhe të burgosur, mbi të gjitha të burgosurit e pa stërvitur të dërguar në vijën e parë të frontit.

“Ne mbështetemi vetëm në informacione të konfirmuara për të vdekurit dhe për këtë arsye shifrat që kemi mbledhur nuk korrespondojnë me nivelin e vërtetë të viktimave”, shkruan “BBC”.

Ky numër përfshin edhe të vrarët në Makiivka (afër Donetsk) më 1 janar. Janë identifikuar emrat e 101 ushtarëve të vrarë në Makiivka nga një raketë ukrainase, nga të cilët 99 ishin rekrut. Familjet e 18 ushtarëve të tjerë nuk mund t’i gjejnë as mes të vdekurve dhe as mes të mbijetuarve. Sipas raporteve të mediave të huaja, shumë ushtarë rus kanë humbur jetën në beteje, por numri i vërtetë i personave që kanë vdekur është ende i pasaktë apo përfundimtar.

NATO i bëri thirrje Rusisë që të përmbushë detyrimet e saj në baze të Traktatit për reduktime të programeve bërthamore të quajtur START.

"Ne shohim me shqetësim se Rusia ka dështuar të përmbushë detyrimet ligjore, përfshirë inspektimin [për programet bërthamore] dhe i bëj thirrje Rusisë të përmbushë detyrimet e saj sipas Traktatit”, shkroi në Twitter Sekretari i Përgjithshëm i NATO-s, Jens Stoltenberg.

Edhe Departamenti amerikan i Shtetit ka thënë se Rusia po shkel Traktatin e ri START, i cili kufizon numrin e mbushjeve bërthamore që mund të dislokojnë Shtetet e Bashkuara dhe Rusia përmes raketave tokësore, detare dhe bombarduesve. SHBA-të kanë thënë se Rusia nuk po lejon inspektimin e objekteve të saj, siç e kërkon Traktati. Zëdhënësi i Departamentit amerikan të Shtetit, Vedant Patel, tha se Rusia mund të "rikthehet lehtësisht" te zbatimi i marrëveshjes.

“Ekziston një rrugë e qartë për kthimin [te marrëveshja]. Ajo që Rusia duhet të bëjë është që të lejojë inspektimet në territorin e saj, ashtu siç veproi për vite me radhë sipas traktatit të START dhe të marrë pjesë në takimin e komisionit konsultativ dypalësh. Asgjë nuk i pengon inspektorët rusë që të vijnë në Shtetet e Bashkuara dhe të zhvillojnë inspektimet”, tha Patel.

Zyrtarët rusë i kanë fajësuar Shtetet e Bashkuara për mbështetjen që Uashingtoni i ka dhënë Kievit, teksa Ukraina përballet me agresionin rus. Richard Weitz, drejtor i Qendrës për Analiza Politiko-Ushtarake në Institutin Hudson i tha Zërit të Amerikës se ka disa arsye se pse Moska mund të jetë duke shkelur Traktatin.

“Në rastin më të mirë, Rusia po përpiqet të kërkojë lëshime të tjera nga Shtetet e Bashkuara, ndoshta të inspektojë më shumë sisteme amerikane. Në rastin më të keq, Rusia po mban peng procesin e kontrollit të armëve strategjike karshi agresionit të saj në Ukrainë”, tha Weitz.

Rusia nuk ka përjashtuar përdorimin e armëve taktike bërthamore në Ukrainë, çka ka ushqyer frikën globale për një katastrofë bërthamore. Lufta në Ukrainë filloi më 24 shkurt të vitit 2022. Presidenti rus Vladimir Putin e quan luftën një “operacion special ushtarak” për çmilitarizimin e Ukrainës. Perëndimi iu përgjigj Rusisë me sanksione të ashpra. Si rezultat i luftës në Ukrainë, mijëra njerëz kanë vdekur, ndërkaq miliona të tjerë janë zhvendosur nga shtëpitë e tyre./REL

Në konferencën për shtyp me presidenten e KE, Ursula von der Leyen dhe presidentin e Këshillit Europian, Charles Michel, Zelensky tha se ka ndjerë mbështetjen e liderëve të BE, por nuk e ka mbështetjen e të gjithë liderëve të shteteve.

“Për sanksionet kundër Rusisë për luftën në Ukrainë ndjeva mbështetjen e liderëve të Bashkimit Evropian, por ne kemi nevojë për mbështetjen e liderëve të të gjitha vendeve të BE-së”. “Çfarë do të bënit nëse fëmijët tuaj do të dëboheshin me forcë me autobus në Federatën Ruse?” pyeti ai.

Presidentja e Komisionit Europian Ursula von der Leyen ndodhet në Kiev pasi mori pjesë në samitin e BE-Ukrainë. Gjatë konferencës për shtyp në Kiev me presidentin ukrainas, Volodymyr Zelensky dhe presidentin e Këshillit Evropian, Charles Michel, Von der Leyen tha se gjatë kohës që ka qenë në Maidan ishin përballur me një sulm ajror dhe u detyruan të strehohen në një strehë.  

“Pas një vizite të shkurtër në postën e Maidanit për dërgimin e llambave LED, pati një sulm ajror dhe ne u detyruam të strehoheshim në një strehë. Dhe kjo tregonte realitetin e çdo dite. Realiteti i luftës kush jetonte këtu ".

Udhëheqësit e BE-së po zhvillojnë një samit në Kiev, i pari që mbahet që nga pushtimi i vendit nga Rusia. Temë e diskutimit pritet të jetë nga mbështetja ushtarake dhe humanitare evropiane deri te veprimet e mëtejshme kundër Rusisë, siç janë edhe sanksionet shtesë. Por qendra e vëmendjes është tek bisedimet për anëtarësimin e Ukrainës në Bashkimin Europian, që e ka pranuar aplikimin e saj si vend kandidat. Udhëheqësit evropianë planifikojnë të diskutojnë mbështetjen shtesë financiare dhe ushtarake për Ukrainën për t’iu përgjigjur pushtimit rus.Presidenti ukrainas Zelensky ka folur në samitin e përbashkët me zyrtarët e BE dhe ka vendosur edhe një herë theksin në anëtarësimin e Ukrainës në BE. Ai thotë se e sheh si gjendje emergjente që të zhvillohen negociatat për anëtarësimin e Ukrainës në BE.

“Qëllimi ynë është i qartë: ne duam të fillojmë negociatat për anëtarësimin e Ukrainës në Bashkimin Evropian këtë vit. Qëllimi për fillimin e negociatave sa më shpejt është i qartë në deklaratën e përbashkët dhe ne tashmë jemi duke u përgatitur”,

Kështu deklaroi presidenti ukrainas, Volodymyr Zelensky , në konferencën për shtyp në Kiev me presidentin e Këshillit Evropian, Charles Michel , dhe presidenten e Komisionit, Ursula von der Leyen.

Qyteti i Kievit ndihet nën presion nga sulmet e mundshme të trupave ruse pasi është shtuar numri i anijeve në detin e Zi. Kjo çon në frikën e një vale të re sulmesh raketore kundër territorit ukrainas. Për këtë fakt është shkruar edhe në rrjetet sociale të  Komandës Operative të ushtrisë ukrainase për jugun e vendit.

"Ndër dhjetë anijet janë dy aeroplanmbajtëse sipërfaqësore Kalibr. Mund të lëshohen gjithsej 16 raketa. Përgatitjet për sulme raketore janë evidente. Nuk përjashtohet një sulm masiv raketor me avionë”, shkruhet në postim. Më pas vjen një apel për ukrainasit "të mos injorojnë sinjalet paralajmëruese të sulmit ajror, të qëndrojnë vigjilentë dhe të kujdesshëm".

Të paktën një mijë gazetarë rusë janë larguar nga vendi i tyre që kur ushtarët e Kremlinit pushtuan Ukrainën. Kjo u zbulua nga një raport i OJQ-së Setevye Svobody, e cila merret me mbrojtjen ligjore dhe të drejtat e njeriut. Sipas raportit, gazetarët rusë që u shpërngulën jashtë vendit, së bashku me ata që hapën kanalet e tyre të mediave sociale, "formuan një grup pa censurë", shpjegon Moscow Times.

Ata nisën projekte që përfshijnë kostot më të larta dhe mundësitë e reduktuara për "monetarizimin në internet".

Norvegjia do të blejë nga Gjermania 54 tanke të reja të gjeneratës së ardhshme Leopard 2 , me një opsion për 18 të tjera, për të zëvendësuar tanket e saj të të njëjtit model, por një modeli më pak të avancuar. Këtë e ka bërë të ditur qeveria norvegjeze. Në linjë për disa vite, porosia Leopard 2A7 do të rinovojë flotën ekzistuese të vjetëruar, disa prej të cilëve do t'i dhurohen Ukrainës.

Sipas inteligjencës ukrainase, Vladimir Putin ka urdhëruar ushtrinë e tij të pushtojë rajonet Lugansk dhe Donetsk deri në mars. Dhe në terren ka me të vërtetë një intensifikim të sulmeve ruse, veçanërisht në Lugansk.

"Okupatorët janë bërë më aktivë në Frontin Lindor. Veçanërisht në rajonin e Luhanskut, pushtuesit po mbledhin edhe më shumë rezerva. Rusët po mbyllin internetin celular në Lugansk të pushtuar nga frika se banorët vendas do të raportojnë lëvizjen e pajisjeve”- u shpreh guvernatori Sergy Gaidai

Sirenat e sulmit ajror ranë në Kiev pak para fillimit të samitit Ukrainë-BE në kryeqytetin ukrainas. Alarmet e sulmit ajror më pas u përhapën në të gjithë vendin ndërsa Presidenti ukrainas Volodymyr Zelensky mirëpriti liderët e Bashkimit Evropian.

Një person ka humbur jetën në një shpërthim makine në Energodar, në rajonin Zaporizhzhia të Ukrainës. Volodymyr Rogov , një anëtar i administratës rajonale pro-ruse, e raportoi këtë në Telegram . 

“Shpërthimi ishte aq i fortë sa u thyen xhamat e shtëpive deri në katin e nëntë”, shtoi Rogov, duke shpjeguar se viktima është punonjës i agjencisë për çështje të brendshme territoriale.

Për mediat ruse është një “sulm terrorist i kryer nga diversantë ukrainas që kanë goditur tashmë territorin e rajoneve të reja ruse”. Zaporizhzhia është ndër katër rajonet ukrainase të aneksuara nga Rusia pasi pushtoi vendin.

Kryetari i Melitopolit, Ivan Fedorov, cituar nga agjencia ukrainase UNIAN, raportoi se makina "i përkiste një bashkëpunëtor vendas, ish-polici Yevhen Kuzmin, i cili iu bashkua administratës së pushtuesve".

Mbrëmjen e djeshme dy persona humbën jetën dhe nëntë të tjerë u plagosën, duke përfshirë një djalë 5-vjeçar, në Kherson pas një seri bombardimesh ruse. Administrata ushtarake rajonale, raportoi se rajoni është sulmuar nga ushtria e Federatës Ruse 65 herë gjatë ditës së fundit, 13 herë vetëm në qytetin Kherson. Bombardimet kanë shkatërruar disa godina, një kantier detar, një shkollë. Aktualisht, Kherson është qyteti i madh më i bombarduar jashtë Donbasit.

Deri në 40 vende mund të bojkotojnë Lojërat Olimpike të ardhshme, duke e bërë të pakuptimtë të gjithë organizimin, tha ministri i sportit dhe turizmit i Polonisë, Kamil Bortniczuk. Komentet e tij erdhën pasi Polonia, Lituania, Estonia dhe Letonia refuzuan së bashku një plan të Komitetit Olimpik Ndërkombëtar (IOC) për të lejuar rusët dhe bjellorusët të konkurrojnë në 2024.

Ukraina ka kërcënuar se do të bojkotojë Lojërat Olimpike të Parisit nëse kjo ndodh. Por IOC tha të enjten se çdo bojkot vetëm do të "dënojë atletët".

Bortniczuk tha se ai besonte se do të ishte e mundur të ndërtohej një koalicion prej 40 vendesh, duke përfshirë Britaninë e Madhe, Shtetet e Bashkuara dhe Kanadanë, për të mbështetur një bllokim në planet e IOC përpara një takimi më 10 shkurt.

Ai shtoi: “Duke pasur parasysh këtë, nuk mendoj se do të përballemi me vendime të vështira përpara Olimpiadës dhe, nëse do të bojkotojmë lojërat, koalicioni ku do të jemi pjesë do të jetë mjaft i gjerë për ta bërë të kotë mbajtjen e Lojërave”.