Në Ukrainë rusët po kontrollojnë lindore të qytetit të Bakhmutit dhe janë gati të të çojnë njësi të tjera të rregullta për të bërë sulmin përfundimtar.
Sipas analizave të fundit të Inteligjencës Britanike të Mbrojtjes, për momentin forcat e grupit Ëagner kontrollojnë pjesën më të madhe të pjesës lindore të qytetit të Bakhmutit, pa arritur megjithatë të kapërcejnë vijën e frontit, në lumin që përshkon qytetin, ndërsa ukrainasit vazhdojnë të rezistojnë në Perëndim.
"Gjatë 4 ditëve të fundit, forcat e grupit Ëagner kanë marrë nën kontroll pjesën më të madhe të pjesës lindore" të qytetit të diskutueshëm në Donbass. Lumi Bakhmut tani shënon vijën e frontit. Forcat ukrainase mbajnë pjesën perëndimore të qytetit dhe kanë shkatërruar urat më të rëndësishme mbi lumin, i cili kalon një rrip toke të hapur midis 200 dhe 800 metra të gjerë në një drejtim veri-jug midis zonave të ndërtuara. Për shkak se njësitë ukrainase mund të qëllojnë nga ndërtesat e fortifikuara në bregun perëndimor të lumit , "kjo zonë është bërë një zonë vrasëse, duke e bërë shumë të vështirë për forcat Ëagner të vazhdojnë sulmin e tyre frontal drejt perëndimit", thuhet në analizë.
Ukrainasit kanë deklaruar se rusëve u kanë mbaruar municionet luftarake, ndërsa nga ana tjetër, kreu i grupit rus 'Ëanger' tha se kishte nevojë për armë të tjera nga Moska për të mbajtur nën kontroll sulmin ndaj rajonit të Bakhmutit. Patriarku i Moskës Kirill i ka bërë thirrje Papa Françeskut , Sekretarit të Përgjithshëm të OKB-së Antonio Guterres dhe komunitetit ndërkombëtar për të parandaluar dëbimin e besimtarëve të Kishës Ortodokse të Ukrainës që i qëndruan besnikë Moskës.
Sot forcat ruse kanë humbur më shumë se 220 ushtarë, qindra të tjerë kanë mbetur të plagosur, në betejën për të pushtuar Bakhmutin. Këtë e deklaroi Serhiy Cherevaty , zëdhënës i grupimit lindor të forcave të armatosura të Ukrainës.
“Gjatë luftimeve u vranë 221 armiq dhe u plagosën 314”, tha ai.
Zëdhënësi tha se kishte 53 angazhime në zonë gjatë ditës, duke përfshirë 23 brenda qytetit të shkatërruar, duke shtuar se forcat ruse bombarduan frontin e Bakhmutit 157 herë.
Tre civilë u vranë në bombardimet ruse të Khersonit në Ukrainën jugore të shtunën, dhe një tjetër vdiq në rajonin lindor të Donetskut, thanë zyrtarët rajonalë.
Guvernatori i rajonit Oleksandr Prokudin tha se tre persona, duke përfshirë një grua të moshuar, u plagosën gjithashtu gjatë bombardimeve me artileri të qytetit.
"Sot pushtuesit rusë kanë goditur përsëri Kherson. Në një rrugë Mykolayivsky pranë një dyqani, mbeturinat e një predhe vranë tre persona," tha Prokudin për TV ukrainas, duke shtuar se një makinë, disa autobusë dhe një pronë komerciale u dëmtuan.
Kreu i Grupit mercenar rus Wagner, Yevgeny Prigozhin ka dewklaruar se dëshiron të kandidojë për pozitën e Presidentit të Ukrainës në vitin 2024.
Lidhur me këtë deklaratë, Anton Gerashchenko këshilltar i ministrisë së brendshme ukrainase i cili shpërndau edhe videon në Twitter të Prigozhin, tha se deklarimi i këtij të fundit synon të largojë vëmendjen nga ambiciet e tij politike në Rusi, ku ai ëndërron të vijë në pushtet dhe ndoshta të jetë pasardhësi i presidentit rus Vladimir Putin.
Në videon të cilin e kishte shpërndarë Gerashchenko, është Prigozhin ai i cili flet për planet e tij për të kandiduar për President.
“Kam vendosur të kandidoj për President të Ukrainës në vitin 2024. Do të kandidojë për zyrë me Poroshenkon dhe Zelenskyn”, thotë ai në videon e cila u përkthye edhe në gjuhën angleze.
Prigozhin said he wants to run for president of Ukraine in 2024
— Anton Gerashchenko (@Gerashchenko_en) March 11, 2023
This statement is intended to divert attention from his political ambitions in Russia, where he dreams of coming to power and possibly being Putin's successors pic.twitter.com/sSGEXUUcDO
Rusisë thuhet se po i mbarojnë rezervat e armëve të përgatitura për luftë dhe të grumbulluara gjatë viteve. Kjo u përsërit nga sekretari i Këshillit të Sigurimit të Ukrainës , Alexei Danilov .
"Llogaritjet parashikuan se ekonomia e korruptuar nuk është në gjendje të sigurojë një mbulesë, ndihma e jashtme për Rusinë terroriste është një çështje e një rëndësie të madhe," përfundoi Danilov.
Mediat në Finlandë kanë raportuar se kryeministrja Sanna Marin është e gatshme të diskutojë sigurimin e avionëve luftarakë për Ukrainën. Marin, i cili vizitoi Kievin më 10 mars, tha se Helsinki planifikon të blejë 64 avionë modernë F-35A për t’i zëvendësuar 62 avionë Hornet – të cilët, sipas saj, mund t'i jepen Ukrainës, por tha se diskutimet janë në një fazë fillestare.
Për muaj të tërë, Ukraina ka kërkuar avionë modernë luftarakë nga aleatët e saj. Gjatë bisedimeve në Paris më 8 shkurt, presidenti ukrainas, Volodymyr Zelensky, u bëri thirrje në mënyrë specifike liderëve perëndimorë që të siguronin avionë luftarakë.
Si rezultat i pushtimit rus të Ukrainës, u shkaktuan dëme në vlerë prej më shumë se 2 trilion hryvnia, monedha ukrainase, pra më shumë se 51 miliardë euro. Kjo është ajo që doli gjatë një takimi në Kharkiv të Komitetit të Verkhovna Rada (parlamenti ukrainas) për politikat mjedisore dhe menaxhimin e natyrës. Lajmin e bën të ditur Ukrinform.
“Ne numërojmë çdo pemë të shkatërruar. Dhe çdo hryvnia Federata Ruse do të na paguajë për atë që ata bënë. Çdo ditë ne vazhdojmë të regjistrojmë dëme dhe shkatërrime të reja. Sipas vlerësimeve paraprake, dëmi total në mjedis është tashmë më shumë se 2 trilion hryvnias: këtu përfshihet ndotja e tokës, ndotja e ajrit, pyjet e djegura dhe ndërtesat e shkatërruara. Rusia po shkakton një krizë klimatike, një krizë bërthamore për shkak të situatës në termocentralin Zaporizhzhya, një krizë humanitare”, tha zëvendësministri i parë i Mjedisit dhe Burimeve Natyrore Ruslan Grechanyk.
Themeluesi dhe pronari i grupit të mercenarëve të Rusisë, Wagner, Yevgeny Prigozhin, tha se jo vetëm trupat e tij, por të gjitha njësitë e forcave ruse që janë të përfshira në luftimet disamujore në qytetin ukrainas të Bahmutit, po vuajnë nga mungesa e furnizimeve me municion.
Zyra për media e Prigozhinit lëshoi një deklaratë më 10 mars, përmes së cilit ai shprehu mirënjohjen për ministrin e Industrisë dhe Tregtisë, Denis Manturovm dhe Igor Nasenkov, shefin ekzekutiv të Tekhnodinamika, për rritjen e madhe të prodhimit të municionit ushtarak në muajt e fundit, pasi Wagner bëri thirrje për rritje të furnizimeve. Megjithatë, ai shtoi se ka nevojë për më shumë municion.
“Jam i shqetësuar se municioni dhe uri për municion nuk ka vetëm Wagner, por të gjitha njësitë e ushtrisë ruse. Është e dukshme se jo vetëm ushtarët e mi po vdesin... Të tjerët po ashtu nuk duhet të vdesin. Çdo vonesë në dërgimin e predhave nënkupton vdekjen e një prej bashkatdhetarëve tanë dhe nuk ka rëndësi se në çfarë njësie të forcave ruse ata shërbejnë”, tha Prigozhin.
"Ne kemi sanksionuar tashmë vendet e treta që furnizuan Rusinë me armë në luftën kundër Ukrainës, për shembull Iranin."
Kështu deklaroi presidentja e Komisionit Evropian Ursula von der Leyen në përgjigje të një pyetjeje të gazetarëve në Shtëpinë e Bardhë mbi rrezikun që Kina mund të furnizojë me armë Moskën.
Udhëheqësja evropiane shpjegoi se ajo kishte diskutuar me Joe Biden rrezikun që Pekini "mund të sigurojë mbështetje ushtarake" për forcat e Vladimir Putin.
Lajm në përditësim...
Komente
Lajme të tjera
-
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20
Keni qe ne fillim te luftes qe po thoni se Rusia ska me armatim por e verteta eshte se ju nuk keni dhe ata as qe po e ulin ritmin e sulmeve madje po e ngrene me shume keshtu qe nuk ju ben me pune propaganda por shikoni te uleni ne bisedime sepse po vriten djem kot per ambicjet e Amerikes
PërgjigjuJu me ato sanksionet tuaja ja rruajtet Rusise tani do tja qethni dhe Kines , ju genjen mendja o te mbaruarit e Europes qe po shkaterroni veten
Përgjigju