JERUZALEM – Një sulm ajror izraelit në qytetin Khan Yunis, në jug të Rripit të Gazës ka vrarë Salah al-Bardawil, një nga drejtuesit e lartë të Hamasit.
Al-Bardawil, 66 vjeç, ishte pjesë e zyrës politike të grupit palestinez islamist që nga viti 2021 dhe më parë kishte shërbyer si zëdhënës i tij. Ai ishte gjithashtu anëtar i politbyrosë së Hamasit në Rripin e Gazës. Gjatë sulmit, bashkë me të ka humbur jetën edhe bashkëshortja e tij.
Sipas mediave lokale, gjatë bombardimeve të natës janë vrarë edhe 17 persona të tjerë, duke e çuar numrin e përgjithshëm të viktimave që nga prishja e armëpushimit në mbi 700. Mijëra të tjerë janë plagosur.
Në një deklaratë, Hamasi akuzoi Izraelin për vrasjen e al-Bardawil, duke thënë se ai u godit “ndërsa po lutej së bashku me bashkëshorten e tij në një tendë refugjatësh në Khan Yunis.” Autoritetet izraelite nuk kanë dhënë ende një koment mbi sulmin.
Forcat izraelite (IDF) kishin deklaruar më parë se udhëheqësit e Hamasit ishin objektivat kryesorë të ofensivës së re. Kjo javë ka parë eliminimin e disa figurave kyçe të grupit, përfshirë kryeministrin de facto të Gazës, Essam al-Daalis, dhe kreun e sigurisë së brendshme, Mahmoud Abu Watfa.
Ndërsa operacionet në Gaza vazhdojnë, shumë nga liderët më të rëndësishëm të Hamasit nuk ndodhen në territor, por lëvizin mes Dohas dhe Stambollit. Ndër ta janë Khalil al-Hayya, Khaled Meshal dhe Moussa Abu Marzouk. Pas vrasjes së Yahya Sinëar, një prej arkitektëve të sulmit të 7 tetorit dhe kreut të Hamasit në Gaza, grupi nuk ka njoftuar ende një pasues zyrtar.
Të dielën në mëngjes, IDF urdhëroi evakuimin e menjëhershëm të një lagjeje në Rafah, qyteti jugor i Gazës pranë kufirit me Egjiptin, duke konfirmuar planet për të zgjeruar operacionet ushtarake. Ndërkohë, në Tel Aviv, sirenat e alarmit u ndezën sërish pasi një raketë e lëshuar nga Jemeni u kap nga mbrojtja ajrore izraelite.
Izraeli rinisi ofensivën e tij të martën, duke akuzuar Hamasin se nuk po bashkëpunon për lirimin e pengjeve dhe duke braktisur marrëveshjen për armëpushimin e arritur më 19 janar. Nga ana tjetër, Hamasi mohoi se kishte prishur negociatat dhe shprehu gatishmërinë për të vazhduar bisedimet.
Kryeministri izraelit Benjamin Netanyahu ka deklaruar në mënyrë të përsëritur se objektivi kryesor i luftës është shkatërrimi i Hamasit si një forcë ushtarake dhe qeverisëse. Ai ka theksuar se ofensiva e re synon ta detyrojë grupin të lirojë 59 pengjet që mendohet se ende ndodhen në duart e militantëve.
Komente
Lajme të tjera
-
Izraelitët vrasin 2 gazetarë në Gaza, mes tyre dhe një i Al Jazeera
24 Mars, 20:12 -
Gaza/ Izraeli vijon ‘gjuetinë’ e zyrtarëve të Hamasit! Sulmon spitalin, 5 të vrarë, mes tyre funksionarë të grupit palestinez! Protesta kundër Netanyahut në Tel Aviv
24 Mars, 08:54 -
Sulmet ajrore izraelite në Gaza, 50 mijë palestinezë të vrarë që nga fillimi i luftës, mes tyre edhe një zyrtar i Hamasit
23 Mars, 16:02 -
Lufta/ Izraeli godet Libanin, sulme hakmarrëse me raketa ndaj bazave të Hezbollahut
22 Mars, 22:47 -
‘Mama jam e lodhur’/ Sulmet e Izraelit në Gaza lënë pas një kalvar traumash tek fëmijët palestinezë, rrëfimi prekës i një 8-vjeçareje
21 Mars, 16:34 -
Netanyahu shkarkon shefin e Shërbimeve Sekrete të Brendshme! Egjipti: Strehojmë gjysmë milion palestinezë të Gazës
21 Mars, 16:16
-
Pas sulmeve ajrore, Izraeli nis një operacion të ri tokësor në Gaza
20 Mars, 07:42 -
‘Bixhozi’ i fundit i Netanyahut, rifilloi luftën në Gaza për të shpëtuar karrierën e tij
19 Mars, 16:59 -
Netayahu: Sulmet në Gazë që vranë qindra persona janë “vetëm fillimi”
18 Mars, 21:07 -
Masakra e Gërdecit/ Meçe: Berisha bleu heshtjen e familjeve të viktimave me mbi 20 mln euro, armatimi shqiptar shkonte në Hamas! Iu vu zjarri që të ndërpritej trafiku
18 Mars, 18:49 -
Dështojnë negociatat për armëpushimin/ Izraeli sulme masive në Gaza, 413 viktima, mes tyre edhe fëmijë! SHBA: Hamasi nuk liroi pengjet, zgjodhi luftën (FOTO + VIDEO)
18 Mars, 07:01
-
Izraeli dhe Hamasi do të rinisin negociatat mes tyre për fazën e dytë të armëpushimit
17 Mars, 15:28
