Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër

Benjamin Netanyahu

Kryeministri izraelit Benjamin Netanyahu ka deklaruar se është i gatshëm të bëjë gjithçka për të penguar Republikën Islamike të Iranit të fitojë armë bërthamore.

Ai e bëri këtë deklaratë në një intervistë të transmetuar sonte nga kanali 14 i televizionit izraelit.

“Do të bëj gjithçka për të parandaluar që Irani të bëhet një fuqi bërthamore,” tha Netanyahu, duke iu përgjigjur një pyetjeje në lidhje me Teheranin.

“Do të shfrytëzoj të gjitha burimet që mund të përdoren” për të arritur këtë qëllim, shtoi ai.

Benjamin Netanyahu

“Kam dhënë udhëzim për ushtrinë që të përgatitet për një luftë të fortë në Liban në rast të çdo shkelje të armëpushimit,” tha kryeministri izraelit Benjamin Netanyahu në një intervistë për Channel 14.

Abdul-Malik al-Houthi

“Operacionet nga fronti jemenas për të mbështetur popullin palestinez vazhdojnë me raketa dhe dronë kundër armikut izraelit,” tha kështu udhëheqësi i Houthi-ve në Jemen, Abdul-Malik al-Houthi, pas armëpushimit midis Hezbollahut libanez dhe Izraelit.

“Shpresoj që të gjithë, si në ushtri ashtu edhe në popull, të jenë të vetëdijshëm për përgjegjësitë tona dhe që, me ndihmën e Zotit, do të bëjnë më shumë – tha ai në një deklaratë për Al-Masirah – kundër armikut izraelit.”

“Ne, në frontin jemenas, po bëjmë më të mirën për të mbështetur palestinezët,” theksoi lideri i Houthi-ve, të cilët akuzohen për mbështetje nga Irani.

Që nga fillimi i operacioneve ushtarake izraelite në Rripin e Gazës, në përgjigje të sulmit të Hamasit më 7 tetor 2023 në Izrael, ata kanë lëshuar raketa dhe dronë në drejtim të Izraelit, si dhe kanë marrë përgjegjësinë për sulmet ndaj anijeve tregtare në Detin e Kuq dhe në Gjirin e Adenit.

Benjamin Netanyahu dhe Yoav Gallant

Gjykata Ndërkombëtare Penale mund të revokojë urdhrat e arrestit të lëshuar ndaj kryeministrit izraelit Benjamin Netanyahu dhe ish-ministrit të Mbrojtjes, Yoav Gallant, nëse Gjykata bindet se në Izrael është hapur një hetim i thelluar.

Kështu deklaroi zëdhënësi i GJNP-së, Fadi El Abdallah, gjatë një interviste radiofonike për Kan.

Rikthimi i libanezëve në banesa pas marrëveshjes Hezbollah-Izrael

Arritja e një paqeje mes Libanit dhe Izraelit me ndërmjetësimin e SHBA-ve dhe faktorit ndërkombëtar, ka rikthyer në banesat e tyre edhe mijëra qytetarë libanezë që braktisën zonat e nxehta ku bëheshin luftime, kryesisht ajo jugore.

Në pamjet filmike, duket qartë karavani i gjatë i mjeteve në kthim apo i quajtur ndryshe kundëreksodi masiv i libanezëve, pak orë pas shpalljes së armëpushimit. 

Mijëra makina në radhë në autostradën Bejrut-Sidon, dallohen rrugës për t'u kthyer në shtëpi në zonat e bombarduara nga kishin ikur, pas urdhrit të evakuimit nga ushtria izraelite, shkruan "La Repubblica".

Eksodi masiv erdhi pas përfshirjes së Hezbollahut në luftime me Izraelin, prej gati dy muajsh.