Lufta/ Hamas: Afro 22 mijë palestinezë të vrarë dhe më shumë se 55 mijë të plagosur në Gaza që nga fillimi i luftës! S'do të lirojmë asnjë peng deri sa Izraeli të ndalojë tërësisht sulmet

Kancelari i Gjermanisë, Olaf Scholz ka zhvilluar një bisedë telefonike me ministrin izraelit, Benny Gantz i cili është njëkohësisht anëtar i kabinetit të luftës, sipas një deklarate nga qeveria gjermane.

Në bisedë diskutuan mbi zhvillimet e fundit në Gaza dhe në kufirin verior të Izraelit. 

Scholz u shpreh për përpjekjet e tij diplomatike për të parandaluar përhapjen e konfliktit në rajon.

Ai i theksoi gjithashtu Gantz nevojën për të përmirësuar situatën humanitare në Gaza dhe që Izraeli të mbrojë jetën civile.
 

Që nga fillimi i luftës në Gaza, më 7 tetor, mes Izraelit dhe Hamasit, janë vrarë 308 njerëz të cilët ishin të strehuar në godinat e Agjencisë së Kombeve të Bashkuara për Ndihmën dhe Punët për Refugjatët Palestinez (UNRWA), si dhe 1,095 të tjerë janë plagosur.

Lajmi është dhënë nga vetë agjencia, përmes një postimi në rrjetin social "X".

UNRWA gjithashtu vuri në dukje se "se më 25 dhjetor, 2 persona të strehuar në  Shkollën Përgatitore Maghazi, e cila drejtohet nga vetë agjencia, u vranë dhe 1 u plagos, si rezultat i një sulmi të drejtpërdrejtë."

Në një deklaratë dërguar CNN më 28 dhjetor, Forcat e Mbrojtjes së Izraelit janë shprehur se  gjatë "operacioneve në Rripin e Gazës kundër objektivave terroriste të Hamasit, avionët luftarakë të IAF goditën gabimisht dy objektiva ngjitur me të cilët ndodheshin objektiva të Hamasit, më 24 dhjetor 2023". 

Ata shprehen se sulmet kishin si target anëtarët e Hamasit, në kampin e refugjatëve Al-Maghazi . 

Sipas Ministrisë së Shëndetësisë në Gaza, rreth 70 njerëz përgjatë atij sulmi.

Izraelit ka pranuar atë që e quan "dëm të paqëllimshëm" ndaj civilëve, si rezultat i sulmeve ajrore në Gaza qendrore, më 24 dhjetor.

Ushtarë të Hamasit

Hamas ka theksuar se nuk do të lirojë asnjë nga pengjet izraelite që mban aktualisht, nëse Izraeli nuk ndalon tërësisht sulmet agresive ushtarake në Gaza.

"Nuk do të ketë marrëveshje për shkëmbimin e të burgosurve apo negociata që zhvillohen nën sulmet e Izraelit",- ka deklaruar grupi palestinez, duke theksuar se ishte "i hapur ndaj çdo nisme që mund t'i japë fund kësaj lufte gjenocidale izraelite",- raporton Jerusalem Post . 

Po ashtu, Hamas komentoi edhe hipotezat për menaxhimin dhe rimëkëmbjen e Gazës pas përfundimit të luftës, duke nënvizuar ajo është një “çështje e brendshme dhe vendoset vetëm nga një lidership palestinez që përfaqëson të gjithë popullin tonë”.

Gaza

Ministria e Shëndetësisë në Gaza, e cila udhëhiqet nga Hamas, ka deklaruar se numri i palestinezëve të vrarë në Gaza, që nga fillimi i luftës më 7 tetor, ka shkuar në 21,507, ku 187 prej tyre janë vrarë gjatë 24 orëve të fundit.

Po ashtu, institucioni palestinez bën me dije se numri i të plagosurve ka arritur në  55.915.