Lufta/ Në Varshavë, takim mes krerëve të Mossad-it, CIA-s dhe kryeministrit të Katarit! Huthët marrin përgjegjësinë për sulmin në një anije norvegjeze

Foto Ilustruese

Forca e Përkohshme e OKB-së në Liban e konsideruan situatën në Libanin jugor si të tensionuar dhe të rrezikshme.

“Situata është e tensionuar dhe e rrezikshme në Libanin jugor me rritjen e tensionve midis Hezbollahut dhe Izraelit”, theksoi të hënën komandanti i Forcave të Përkohshme të Kombeve të Bashkuara në Liban (UNIFIL).

Ai theksoi se sidoqoftë në tre ditët e fundit është vënë re një rënie e shkëmbimit të zjarrit. Aroldo Lazaro Saenz do të takohet me Ministren e Jashtme franceze Catherine Colonna, e cila po viziton Bejrutin për t'u kërkuar liderëve libanezë të të ushtrojnë të gjithë autoritetin e tyre mbi Hezbollahun pro-iranian për të shmangur përhapjen e konfliktit në rajon, shkruajnë mediat e huaja.

Izraeli dhe Hezbollah kanë pasur përplasje të herëpashershme që me nisjen e luftës në 7 tetor të këtij viti.

Ndërsa IDF përqëndroi sulmin e saj drejt Rripit të Gazës, Hezbollah nisi të kryente sulme të drejtpërdrejta me raketa drejt kufirit verior të Izraelit. Ushtria izraelite është përgjigjur me sulme raketore dhe kjo sjellë edhe të vrarë nga të dyja palët.

Giorgia Meloni

Kryeministrja italiane, Giorgia Meloni, përsëriti të dielën (17 Dhjetor) se e drejta e Izraelit për vetëmbrojtje duhet të jetë në përputhje me ligjin ndërkombëtar.

"Ne kemi mbajtur anën e Izraelit pas sulmeve të Hamasit dhe i kërkojmë Izraelit të mbrohet në përputhje me ligjin ndërkombëtar, duke mbrojtur popullsinë civile", tha Meloni.

Duke iu referuar politikës së Italisë për luftën e Rusisë në Ukrainë, ajo theksoi mbështetjen e qartë dhe të fortë të qeverisë për Kievin.

“Respekti në politikën e jashtme arrihet duke mbajtur fjalën. Italia ka gjithçka për të humbur në një botë ku forca e ligjit zëvendësohet nga ligji i më të fortëve", tha Meloni. 

Meloni tha gjithashtu se sulmi i Rusisë ndaj Ukrainës ka qenë i motivuar nga nostalgjia e saj për imperializmin sovjetik, raportojnë mediat e huaja.

Izraeli ka bombarduar Rripin e Gazës nga ajri dhe toka, ka vendosur një rrethim dhe ka ngritur një ofensivë tokësore si hakmarrje për një sulm ndërkufitar nga grupi palestinez Hamas më 7 tetor.

Sipas autoriteteve shëndetësore të Gazës, rreth 18,800 palestinezë janë vrarë që atëherë në sulmet izraelite, shumica prej tyre gra dhe fëmijë, dhe 51 mijë janë plagosur. 

Numri i të vdekurve izraelitë në sulmin e Hamasit është 1200, ndërsa më shumë se 130 pengje ende mbahen nga grupi palestinez në Gaza, sipas shifrave zyrtare.

Benjamin Netanyahu

Kryeministri izraelit, Benjamin Netanyahu, deklaroi se se buxheti i mbrojtjes së Izraelit duhet të rritet me 5.5 miliardë dollarë në vit.

Deklaratën, Netanyahu e dha gjatë një aktiviteti për zgjatjen e mandatit të Guvernatorit të Bankës së Izraelit, Amir Yaron, raporton Al Jazeera.

Ndërkaq, Shefi i politikës së jashtme të BE-së, Josep Borrel ka bërë thirrje për një pauzë humanitare në Gaza.

Përmes një postimi në rrjetet sociale, Borrell shprehet se në Gaza janë vrarë shumë civilë.

Josep Borrell

Shefi i politikës së jashtme të BE-së, Josep Borrell, ka bërë thirrje për një pauzë humanitare në Gaza.

Përmes një postimi në rrjetet sociale, Borrell shprehet se në Gaza janë vrarë shumë civilë.

“Sigurisht, ne jemi dëshmitarë të një mungese të tmerrshme dallimi në operacionin ushtarak të Izraelit në Gaza. Adhuruesit, tre pengje izraelitë dhe qindra civilë të tjerë kanë vdekur gjatë operacioneve më të fundit ushtarake. Kjo duhet të ndalet – nevojitet urgjentisht një pauzë humanitare”, shkroi Borrell në X (ish-Twitter).

Rishi Sunak

Kryeministri britanik, Rishi Sunak, deklaroi se shumë civilë kanë humbur jetën në luftën mes Izraelit dhe Hamasit.

“Askush nuk dëshiron ta shohë këtë konflikt të zgjasë një ditë më shumë”, tha Sunak, raporton BBC.

Duke folur për gazetarët në Skoci, ai përsëriti se ndërsa Izraeli e ka të drejtën për t’u mbrojtur pas sulmeve të 7 tetorit, duhet ta bëjë këtë “në përputhje me të drejtën humanitare”.

Javën e kaluar, qeveria e Mbretërisë së Bashkuar rriti thirrjet e saj për armëpushim në Gaza. Sunak deklaroi qeveria ka qenë “konsistente” në thirrjen për një armëpushim të tillë.

Foto nga valixhia me 1.2 milionë euro

Luftimet mes ushtarëve izraelitë dhe të Hamasit në Rripin e Gazës vazhdojnë pa ndërprerë.

Forcat izraelite (IDF)| raportoi të dielën (17 Dhjetor) se goditën më shumë se 150 objektiva Përveç kësaj, sipas një përfaqësuesi izraelit, në shtëpinë e një zyrtari të Hamasit u gjet një valixhe me me rreth 1.25 milionë euro si dhe armë, eksplozivë, pajisje luftarake, mortaja dhe municione.

Gjithashtu, Ministria e Shëndetësisë e Hamasit në Rripin e Gazës njoftoi sot se 90 palestinezë janë vrarë nga sulmet izraelite në Jabalia, në veri të Gazës.

Lloyd Austin

Sekretari amerikan i Mbrojtjes, Lloyd Austin viziton Izraelin të hënën (18 Dhjetor) për të marrë një vlerësim më të qartë nga zyrtarët izraelitë mbi operacionet e tyre ushtarake në Gaza.

Kjo vizitë vjen në mes të kritikave në rritje të administratës Biden ndaj kryeministrit izraelit Benjamin Netanyahu për numrin e viktimave në Gaza.

Austin do të marrë përditësime mbi mënyrën se si Forcat e Mbrojtjes të Izraelit, Kabineti i Luftës dhe Ministri i Mbrojtjes Yoav Gallant po vlerësojnë fazën aktuale të operacionit ushtarak në Gaza.

Vizita e Austin vjen pas vizitës në Tel Aviv të këshilltarit të sigurisë kombëtare Jake Sullivan dhe vetëm disa ditë pas komenteve të prera nga Biden që i bëri thirrje Izraelit të bëjë më shumë për të mbrojtur civilët në Gaza.

Foto nga Gaza pas bombardimeve izraelite, 17 Dhjetor

Numri i sulmeve ajrore të kryera nga Izraeli kundër kampit të refugjatëve Nuseirat, në qendër të Rripit të Gazës, ka shkuar në 25 viktima.

Këtë e ka bërë të ditur transmetuesi Al Jazeera, duke nënvizuar se në mesin e viktimave janë dhjetë anëtarë të së njëjtës familje, asaj të Abu Garqud.

Mes viktimave të bastisjes ishte edhe gazetarja Haneen Ali Al-Qashtan, e vrarë në shtëpi së bashku me familjen e saj, siç raportojnë burimet lokale.

Ushtarët izraelitë në Gaza

Ushtria izraelite (IDF) ka publikuar emrat e katër ushtarëve të tjerë të vrarë në operacionet në Gaza, duke e çuar numrin e ushtarëve të vrarë në ofensivën tokësore kundër Hamasit në 126.

Ata janë: Urija Bayer, 20 vjeçe, e cila vdiq nga plagët e marra në luftimet në Gazën jugore më 14 dhjetor 2023; Liav Aloush, 21 vjeç, vrau dje duke luftuar në jug të Rripit si dhe Etan Naeh, 26 vjeç dhe Tal Filiba, 23 vjeç.

Kështu raporton Times of Israel.

Një video po qarkullon në rrejt, ku shihet një situatë kaotike, ndërsa palestinezët të mbledhur në turma ‘sulmojnë’ një automjet nga i cili përpiqeshin të merrnin ushqime.

Disa njerëz hipën mbi kamionë dhe u hodhën kuti atyre që vraponin pas kamionëve. Në një skenë mund të shihej një kamion duke u rrotulluar, duke bërë që kutitë e ndihmës të rrëzoheshin nga mbrapa.

Në fotot e tjera, dhjetëra njerëz u përpoqën për të shpëtuar kutitë e shpërndara të ndihmës në mes të rrugës.

Në një konferencë për shtyp të enjten, OKB-ja tha se njerëzit e uritur po ndalonin kamionët që mbanin furnizime dhe po hanin menjëherë ndihmat ushqimore.

Foto ilustruese

Forca e Përkohshme e OKB-së në Liban e konsideruan situatën në Libanin jugor si të tensionuar dhe të rrezikshme.

“Situata është e tensionuar dhe e rrezikshme në Libanin jugor me rritjen e tensionve midis Hezbollahut dhe Izraelit”, theksoi të hënën komandanti i Forcave të Përkohshme të Kombeve të Bashkuara në Liban (UNIFIL).

Ai theksoi se sidoqoftë në tre ditët e fundit është vënë re një rënie e shkëmbimit të zjarrit.

Aroldo Lazaro Saenz do të takohet me Ministren e Jashtme franceze Catherine Colonna, e cila po viziton Bejrutin për t'u kërkuar liderëve libanezë të të ushtrojnë të gjithë autoritetin e tyre mbi Hezbollahun pro-iranian për të shmangur përhapjen e konfliktit në rajon, shkruajnë mediat e huaja.

Izraeli dhe Hezbollah kanë pasur përplasje të herëpashershme që me nisjen e luftës në 7 tetor të këtij viti. Ndërsa IDF përqëndroi sulmin e saj drejt Rripit të Gazës, Hezbollah nisi të kryente sulme të drejtpërdrejta me raketa drejt kufirit verior të Izraelit.

Ushtria izraelite është përgjigjur me sulme raketore dhe kjo sjellë edhe të vrarë nga të dyja palët.