Një depo municionesh thuhet se u godit në sulmin me dron në rrethin e Tikhoretsk në territorin rus të Krasnodarit. Kjo u raportua nga mediat ruse dhe në Telegram, duke përfshirë Astra dhe Baza, të cituara nga Rbc Ukraine dhe Ukrainska Pravda.
Astra shkruan në veçanti se sulmi goditi një magazinë municionesh në fshatin Kamenny të rrethit Tikhoretsk, duke publikuar video që i atribuohen sulmit që tregojnë një shpërthim të madh gjatë natës. Për momentin nuk raportohet për viktima.
Po ashtu raportohet se dronët ukrainas sulmuan arsenalin e 23-të të Drejtorisë kryesore të raketave dhe artilerisë të Ministrisë së Mbrojtjes Ruse pranë fshatit Oktyabrskoye në rajonin Tver të Rusisë. Kështu shkruan Rbc Ukraine , duke cituar mediat ruse dhe kanalet Telegram.
Depoja thuhet se ndodhet vetëm 16 km në jug të Arsenalit të 107-të të Toropets, i cili ishte shënjestruar edhe në një sulm të mëparshëm më 18 shtator.
Kanalet ruse Telegram raportojnë për një shpërthim të fortë dhe zjarre. Guvernatori i Tver Igor Rudenya, i cituar nga Tass, raportoi se dronët u rrëzuan gjatë natës në jugperëndim të rajonit rus, pa dhënë detaje mbi objektivin e bastisjeve apo pasojat e mundshme.
Nga ana tjetër ministri i Jashtëm i Ukrainës Andriy Sybiha ka ngritur alarmin me një postimin në rrjetin social ‘X’, ku shkruan se ‘ushtria ruse po përgatitet të godasë termocentralet bërthamore në Ukrainë para dimrit.’
Ministri ukrainas kërkoi nga IAEA (Agjencia Ndërkombëtare e Energjisë Atomike) të dërgojë misione të përhershme monitoruese në vendet bërthamore të Ukrainës.
“Sipas inteligjencës ukrainase, Kremlini po përgatit sulme ndaj objektivave kritike për energjinë bërthamore të Ukrainës përpara dimrit”, shkroi Sybiha.
Ukraina e ka akuzuar tashmë Rusinë për shantazh bërthamor pasi forcat ruse pushtuan termocentralin bërthamor të Zaporizhia, më i madhi në Evropë, në mars 2022.
Rusia ka thënë se nuk do të marrë pjesë në një samit të dytë të mundshëm të paqes për Ukrainën në nëntor, edhe pse udhëheqësi ukrainas Volodymyr Zelensky sinjalizoi se do të ftonte përfaqësuesit e Moskës këtë herë.
Samiti do të ketë të njëjtin objektiv: të promovojë formulën e pafuqishme "Formulën Zelensky si bazën e vetme për zgjidhjen e konfliktit, të marrë mbështetjen e shumicës botërore dhe në emër të tij t'i paraqesë Rusisë një ultimatum për kapitullim", tha zëdhënësja e ministrisë e Punëve të Jashtme Maria Zakharova në një deklaratë.
Shtetet e Bashkuara dhe Britania nuk e kanë autorizuar Ukrainën të përdorë raketa me rreze të gjatë veprimi në objektiva brenda Rusisë, nga frika e një përshkallëzimi të armiqësive. Kështu tha presidenti ukrainas Volodymyr Zelensky, i cili shpresonte se lideri amerikan Joe Biden kishte ndryshuar mendje.
Zelensky foli përpara një udhëtimi vendimtar në Shtetet e Bashkuara javën e ardhshme, gjatë së cilës ai pritet të takohet me Biden, Harris dhe Trump. Kievi prej javësh po i bën presion Perëndimit që të lejojë përdorimin e armëve me rreze të gjatë për të goditur objektivat brenda Rusisë. “As Amerika dhe as Britania e Madhe nuk na dhanë leje t’i përdorim këto armë në territorin e Rusisë, në asnjë objektiv, në çdo distancë”, u tha Zelensky gazetarëve. "Mendoj se ata janë të shqetësuar për një përshkallëzim."
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22
