Lufta kundër pastrimit të parave
Shqipëria në 10 vendet më të mira

Shqipëria rezulton një prej vendeve me përmirësimet më të dukshme në luftën kundër pastrimit të parave. Përmes një statusi në faqen e tij në rrjetin Facebook, Ministri i Financave Arben Ahmetaj, sjell në vëmendje raportin më të fundit të Institutit të Bazelit, i cili e rendit vendin tonë ndër 10 shtetet që kanë shënuar përmirësimin më të madh në rang botëror. 

Indeksi i Baselit vlerëson ekspozimin e vendeve ndaj rrezikut të pastrimit të parave dhe terrorizmit. Për këtë vit, Shqiperia është renditur në vendin 102, nga 149 në total, me një përmirësim prej 16 vendesh. Sa i takon indeksit për 2016, Shqipëria vlerësohet me 5.04, ndërsa një vit më parë indeksi ishte 5.52.

10 vendet me rrezik më të lartë janë; Irani, Afganistani, Taxhikistani, Guinea-Bissau, Mali, Camboxhia, Mozambiku, Uganda, Zvicra dhe Mjanmari. Finlanda është vendi me rrezikun më të ulët, e ndjekur nga Lituania dhe Estonia. Përmirësimet më të mëdha që nga viti 2015 janë bërë nga; Kuvajti, Ekuadori, Seychelles dhe Shqipëria.

Redaksia Online
Al.Ç/Shqiptarja.com