Lufta kundër korrupsionit/ Gjonaj: SPAK dhe GJKKO kanë të gjitha hapësirat e nevojshme për ta bërë punën me efikasitet! Bashkëpunim shumë të mirë për procesin '41 Biss' (VIDEO)

Ministrja e Drejtësisë Etilda Gjonaj në intervistën e dhënë për gazetarin e Report Tv, Arsen Rusta, u shpreh se korrupsioni është një fenomen global dhe si i tillë kërkon ndërhyrje edhe ndërkombëtarisht.

"Unë besoj që në kuadrin edhe të konferencës së organizuar nga OKB, që është e para për louftën kundër korrupsionit, u vu re që korrupsionit ndodh në të gjithë vendet e botës. Sot nuk mund ta shikojmë korrupsionin vetëm në kufijtë nacionalë. Në OKB u nënshkrua një deklaratë për luftën që duhet bërë kundër korrupsionit ndërkombëtarisht", tha Gjonaj.

Duke u kthyer në Shqipëri ministrja shprehet se me sistemin e ri të drejtësisë, institucionet ligjzbatuese i kanë të gjitha hapësirat e nevojshme ligjore për ta luftuar me efikasitet korrupsionin dhe krimin e organizuar.

"Ne ndërtuam një sistem të ri drejtësie ku një vend të posaçëm do e kishin pikërisht institucionet që merren posaçërisht me luftën kundër korrupsionit dhe krimit të organizuar. Në bëmë ndryshimet në ligj që SPAK dhe GJKKO të kenë hapësirat e nevojshme për ta bërë punën e tyre me efeciencë", tha Gjonaj.

E pyetur nga gazetari Rusta për atë që quhet 'Procesi 41 biss', Etilda Gjonaj vlerësoi bashkëpunimin me prokurorinë dhe gjykatën e posaçme.

"Procesi 41 biss nuk ka aktor vetëm Ministrinë e Drejtësisë. Unë jam shumë e kënaqur me bashkëpunimin që kemi pasur me SPAK dhe GJKKO që vazhdimësia e këtij procesi të jetë e pacenueshme. Ky është një regjim që vazhdon dhe në momentin e parë që do të kemi kërkesa nga Prokuroria e Posaçme do të marrim vendimin tonë siç na takon", tha ministrja e Drejtësisë.


Lajmi kryesor:

Kërkesa e KLGJ për uljen e numrit të gjykatave, Gjonaj për Report Tv: Nuk jemi dakord që të kemi vetëm një Gjykatë Apeli, pasoja për qytetarët (VIDEO)


K.T./b.ha./Shqiptarja.com
  • Sondazhi i ditës:

    A duhet të nisë hetimet SPAK për të shpallurit non grata nga SHBA?



×

Lajmi i fundit

John

Nga fillimi i fushatës janë kryer mbi 848 mijë vaksinime antiCOVID, më shumë se 5 mijë në 24 orët e fundit