‘Lufta’ me COVID-19, Britania 100 milionë vaksina për vendet në nevojë, Johnson: Procesi jonë i suksesshëm, gati të shpërndajmë një pjesë të dozave

BRITANIA E MADHE- Kryeministri Boris Johnson tha se Britania e Madhe do të dhurojë 100 milionë doza vaksinash brenda vitit të ardhshëm për vendet në nevojë.

Në një takim të zhvilluar mes krerëve të vendeve G7, kryeministri britanik u shpreh se deri në fund të shatorit do të shpërndahen 5 milionë dozat e para, ndërsa deri në fund të vitit do të jenë shpërndarë 25 milionë vaksina për vendet në nevojë.

“Si rezultat i procesit të suksesshëm të vaksinimit, Britania është gati të shpërndajë një pjesë të dozave të tepërta për vendet të cilat nuk kanë mundësi t’i sigurojnë ato.”, shprehet Johnson.

LEXO EDHE:
Dyshohet se u vetëvar brenda qendrës së emigracionit në Britani, familjarët e shqiptarit ende pa përgjigje për rrethanat e vdekjes

Ai shprehet se ky do të jetë një hap masiv drejt mposhtjes së pandemisë së COVID-19.

“Unë shpresoj që të gjithë këtu të bëjnë premtime të ngjashme në mënyrë që të arrijmë të vaksinojmë të gjithë botë.”, shtoi ai.

Ky nuk është kontributi i parë i Britanisë në “luftën” me pandemisë, pasi më parë qeveria ka dhuruar 500 milionë dollarë për platformën e COVAX.

Presidenti i SHBA, Joe Biden ka premtuar 500 milionë doza të Pfizer për 92 vende në nevojë për vaksina, duke përshirë edhe vendet e Bashkimit Afrikan.

Procesi i vaksinimit në Britani, konsiderohet një ndër më të suksesshmit në botë.

J.GJ./Shqiptarja.com

TAG:
• Britani e Madhe
• Boris Johnson
• Koronavirus
• Vaksina Covid