UKRAINË- Rusia ka sulmuar mbrëmjen e sotme Kievin me bombardime në disa lagje të kryeqytetit duke ringjallur frikë dhe panik tek banorët pavarësisht se nuk raportohet asnjë humbje jete. SHBA qëndron pas sulmit ndaj Kremlinit me dy dronë të dërguar nga Ukraina. Kështu deklaroi zëdhënësi i Kremlinit, Dmitry Peskov, i cituar nga agjencia RIA Novosti. Ndërkohë zëdhënësja e Ministrisë së Jashtme Maria Zakharova ka hedhur akuza në drejtim të SHBA-vë, Britanisë së Madhe e NATO-së duke e bërë përgjegjëse për sulmet me dronë në Kremlin. Perëndimorët, shkruan Zakharova në Telegram, "kanë shkatërruar qeverinë legjitime në Ukrainë, kanë vënë në krye aventurierë dhe banditë, i kanë furnizuar me para dhe armë, kanë rrënjosur një ndjenjë të lejueshmërisë dhe pandëshkueshmerisë absolute, kanë siguruar mbulesë politike dhe mbrojtje ushtarake".
Sulmet në shtim nga Moska vijnë ndërkohë që Zelensky vijon takimet zyrtare nga vende nordike në Hagë në një vizitë në Holandë ku do të takohet me kryeministrin Mark Rutte. Ai do të shkojë edhe në Gjykatën Penale Ndërkombëtare, e cila po heton krimet e dyshuara të luftës ruse në Ukrainë.
Një shpërthim u dëgjua në Zaporizhzhia ndërsa Kievi paralajmëroi alarm për sulm ajror. Administrata ushtarake rajonale e njoftoi atë në Telegram, siç raportohet nga Rbc-Ukraine. Alarmi është shpallur në orën 02:03 me orën lokale.
Paralajmërimet ajrore u dëgjuan gjithashtu në rajonet Chernihiv, Sumy, Poltava, Kharkiv, Zaporizhzhia, Dnipropetrovsk dhe në disa zona të rajonit Kirovograd.
Por duket se Moska vijon të mbajë të njëjtin qëndrim ku ka thënë se do t'i përgjigjet sulmit ndaj Kremlinit kur ta gjykojë të nevojshme. Ambasadori rus në OKB, Anatoli Antonov, raporton Tass. "Çfarë do të bënin amerikanët nëse një dron godiste Shtëpinë e Bardhë, Kapitolin apo Pentagonin? Përgjigjja është e qartë për këdo: ndëshkimi do të ishte i ashpër dhe i pashmangshëm. Rusia do t'i përgjigjet këtij akti të pamatur dhe arrogant terrorizmi. Ajo do të përgjigjet kur mendon se do të përgjigjet bazuar në vlerësimet e kërcënimit që Kievi ka krijuar për udhëheqjen e vendit tonë”, tha ai, duke i quajtur komentet e zyrtarëve të Uashingtonit “çuditërisht cinike dhe absurde”.
Presidenti rus Vladimir Putin zhvilloi një bisedë telefonike me homologun e tij venezuelian Nicolas Maduro, i cili dënoi ashpër sulmin me dron ukrainas në Kremlin, shprehu solidaritetin dhe mbështetjen për Federatën Ruse.
Kremlini e bëri të ditur përmes një deklarate, duke shpjeguar se Putin dhe Maduro folën për "marrëdhënie strategjike" dhe projekte "në sektorët komercial, ekonomik, energjitik dhe humanitar".
Kryetari i bashkisë së Odessa, Genadi Trukhanov, u arrestua për përfshirjen e tij në një rast korrupsioni. Kjo është raportuar nga zyra e prokurorisë speciale të Ukrainës kundër korrupsionit në Telegram.
Kryebashkiaku është përfshirë në një aferë të vitit 2016 të njohur si “çështja Krayan” në të cilën akuzohet së bashku me persona të tjerë për përvetësim të fondeve buxhetore në shumën mbi 92 milionë hryvnia.
Kryetari i bashkisë së Kievit Vitaly Klitschko ka bërë me dije se kryeqyteti i Ukrainës është sulmuar sërish nga forcat ruse. Ai shkruan në Telegram se në lagjen Solomyan të kryeqytetit ka shpërthime dhe zjarre.
"Shpërthime dhe zjarre në lagjen Solomyan të kryeqytetit. Të gjitha shërbimet janë nisur për në vendngjarje"- shkruhet në postimin e tij.
Ministri i Jashtëm ukrainas, Dmytro Kuleba u shpreh gjatë ditës së sotme se një fitore e Ukrainës përballë Rusisë do t’i garantonte sigurinë krahut lindor të NATO-s.
Në një intervistë për mediat moldave, Kuleba tha se Kievi po ndihmon NATO-n të forcohet.
“Unë kam thënë tashmë se nëse plani i Putinit do të ishte realizuar, ai do t'ju kishte pushtuar edhe juve tashmë dhe do të kishte filluar të lëvizte drejt vendeve të Evropës Lindore”.
Sipas ministrit të jashtëm ukrainas, Moska nuk do të sulmojë një vend të NATO-s, por dikur ata thanë se nuk do të sulmonin as Ukrainën. Prandaj, kjo nuk duhet të harrohet dhe të mbahet parasysh gjatë gjithë kohës.
Presidenti Vladimir Zelensky ditën e sotme ka kryer në vizitë në Hagë. Nga selia e Gjykatës Ndërkombëtare, në të drejtën penale të Hagës, Zelensky tha se do të shohë Putin të dënuar ashtu siç ai e meriton.
‘Ne të gjithë duam të shohim një Vladimir të ndryshëm këtu, Vladimir Putin, ai që meriton të dënohet për veprime kriminale, këtu në Hagë në kryeqytetin e së drejtës ndërkombëtare’, tha Presidenti ukrainas. Ai shtoi: "Jam i sigurt se do të ndodhë."
SHBA qëndron pas sulmit ndaj Kremlinit me dy dronë të dërguar nga Ukraina. Kështu deklaroi zëdhënësi i Kremlinit, Dmitry Peskov, i cituar nga agjencia RIA Novosti.
Presidenti ukrainas Volodymyr Zelensky mbërriti në Holandë të mërkurën vonë për një udhëtim të paparalajmëruar më parë. Ai arriti në aeroportin e Amsterdamit me një aeroplan të qeverisë holandeze që vinte nga Helsinki dhe më pas u drejtua në një autokolonë drejt Hagës nën shoqërimin e policisë.
Ligjvënësit holandezë konfirmuan në Twitter se një takim me presidentin ukrainas ishte planifikuar në Hagë të enjten. Mediat holandeze raportuan se ai do të takohet gjithashtu me kryeministrin e Holandës, Mark Rutte, dhe do të mbajë një fjalim në Hagë.
Raportohet se është planifikuar gjithashtu një vizitë në Gjykatën Penale Ndërkombëtare. Gjykata e mbështetur nga OKB-ja ka nisur hetimet për krimet e mundshme të luftës të kryera nga Rusia dhe në mars lëshoi një urdhër arrest ndërkombëtar për presidentin rus, Vladimir Putin.
Vizita e presidentit ukrainas, Zelensky, nuk u njoftua paraprakisht dhe shënon vizitën e parë të liderit ukrainas në Holandë. Më parë, ai ishte takuar me liderët nordikë në një samit në Finlandë, në të cilin ata premtuan mbështetjen e tyre për liderin ukrainas për aq kohë sa të ishte e nevojshme. Holanda deri tani i ka ofruar Ukrainës ndihmë ushtarake prej rreth 1.2 miliardë euro duke ndihmuar Ukrainën që të mbrohet kundër pushtimit të plotë të Rusisë.
Komente
Lajme të tjera
-
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 08:11 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Rusi/ 10 mijë ushtarë koreano-veriorë gati kundër Ukrainës
1 Nëntor, 10:06 -
Kryediplomati hungarez kritikon sanksionet e BE-së gjatë vizitës në Minsk: Neve s'na pëlqen politika e sanksioneve
31 Tetor, 20:57 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Lufta në Ukrainë/ 11 mijë ushtarë të Koresë së Veriut janë dislokuar në Rusi, fillojnë të mësojnë gjuhën
30 Tetor, 22:32 -
Kremlini e mohon: Nuk po bisedojmë me Kievin për të ndalur sulmet kundër energjisë
30 Tetor, 16:39 -
Lufta në Ukrainë/ Ushtria ruse fillon stërvitjet në sektorin e armëve bërthamore! Media : Ushtarë të Koresë së Veriut kanë zbarkuar në Ukrainë
29 Tetor, 17:26 -
Von der Leyen: Dërgimi i ushtarëve të Koresë së Veriut në luftën kundër Ukrainës është një kërcënim për paqen botërore
28 Tetor, 17:35 -
‘Shpresoj që Perëndimi të ketë dëgjuar paralajmërimin”/ Putin: Nëse Kievi përdor raketa me rreze të gjatë, ne do të përgjigjemi
27 Tetor, 13:31
Zelensky me kete qe beri veshtire do ta kete te mbijetoje vetem nese iken ne Amerike
Përgjigju