UASHINGTON - SHBA-ja dërgon të tjerë aeroplanmbajtëse drejt Sirisë edhe pse nuk ka patur asnjë urdhër për të hyrë në Mesdhe, por është gati për të ndërhyrë, nëse do të ketë një sulm të mundshëm.

Flota ushtarake amerikane ka dhënë urdhër që aeroplan mbajtëset nukleare “Uss Nimitz”, të vendosen në Mesdhe, këtë e kanë referuar burime të Pentagon-it, që për momentin do t`u bashkangjiten forcave të tjera, që gjenden në pritje të një sulmi të mundshëm.

Burime nga Pentagoni, kanë referuar se me këto lëvizje, kërkojnë të shmangin mungesën e kohës dhe të hapësirës dhe për të qenë të gatshëm në çdo moment për një sulm të mundshëm.
Gjithashtu, në dispozicion, është edhe aeroplanmbajtësi “Harry Truman”, që ndodhet tashmë në Oqeanin Indian.

Ndërkohë, qeveria franceze ka deklaruar se do t`u paraqesë parlamentarëve të saj provat e sulmit me gaz sarin, të kryer nga regjimi i Assad-it.
 
Redaksia online
(eb/sg/shqiptarja.com)