POP 5

Lajmet më të lexuara të 5 minutave të fundit

Bota

Lufta ndaj abortit, administrata në SHBA nis fushatën

Administrata e presidentit Trump pritet që të lajmërojë se, organizatat që iu ofrojnë apo u flasin për abortin pacientëve të tyre, do të humbasin fondet federale.
Lufta ndaj abortit, administrata në SHBA nis fushatën

Foto ilustruese

Administrata e presidentit Trump pritet që të lajmërojë se, organizatat që iu ofrojnë apo u flasin për abortin pacientëve të tyre, do të humbasin fondet federale.

Një prej këtyre organizatave, “Planned Parenthood” tha se propozimi ishte i rrezikshëm, i turpshëm dhe do të kishte pasoja të tmerrshme. Por, lëvizja e pritshme e Donald Trumpit, shkon në kuadër të një premtimi elektoral dhe është mbështetur fort nga grupet antiabort.

Propozimi thotë se, klinikat që marrin parà federale nga Programi i Planifikimit Familjar, që njihet si “Titulli X”, nuk do të lejohen që të çojnë klientë për abort, të diskutojnë abortin me pacientët, apo të ndajnë hapësirën e tyre me klinika që ofrojnë aborte.

Nëse i thyejnë këto rregulla, ato do të mbesin pa para. “Titulli X” jep fonde për shtresat me të ardhura të ulëta për shërbime të planifikimit familjar, si kontraceptivë apo kontrolle shëndetësore. Paratë nuk janë për aborte, por klinikat që financohen prej tij i çojnë pacientët te klinikat që e ofrojnë këtë shërbim.

Propozimet e reja që e bëjnë sakrilegj përmendjen e abortit në klinikat e financuara nga shteti janë cilësuar si mbyllje goje nga kritikët. Organizata “Planned Parenthood” tha se ndryshimet lënë miliona njerëz pa kontraceptivë e kujdes shëndetësor, e pasojat do të ndihen në të gjithë vendin.

Aborti është një çështje shumë e nxehtë në SHBA, e përballjet për të nuk kanë munguar kurrë. Politikisht, ndryshimet e propozuara e hedhin çështjen e abortit në mes të debatit për zgjedhjet e mesmandatit në nëntor. Vetë presidenti Trump është kundër abortit, megjithëse vite më parë ka qenë qenë pro tij.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Greqia mohon akuzat e Turqisë se ka shtyrë migrantët në territorin turk

Greqia mohon akuzat e Turqisë se ka shtyrë migrantët në territorin turk

22 Korrik, 15:28