Kur mbeten pak ditë nga çelja zyrtarisht e sezonit turistik veror, dhe me plazhet që po frekuentohen, në zonat bregdetare, por jo vetëm, procesi i dezinsektimit ka nisur tashmë prej ditësh. Megjithatë zbatimin e planit kombëtar të dezinsektimit nga Ministria e Shëndetësisë në bashkëpunim me ISHP-në, e shikon me skepticizëm kryebashkiaku i Divjakës, sipas të cilit efektivitet do të kishte vetëm nëse spërkatja do të bëhet nga ajri.
“Problemi është mënyra që kanë zgjedhur për të bërë spërkatjen, për mendimin tim lë për të dëshiruar. Sepse për të gjetur të gjitha pellgjet me ujë, ku mushkonja ushtron aktivititetin e saj, pra hedhjen e vezëve është pak e vështirë. Mendoj dhe insistoj fortë që një spërkatje nga ajri do të jetë zgjidhja e vetme. Ato po vazhdojnë lokalisht, unë e di që suksesi do jetë minimal, do të ketë ndikim, por jo atje ku është pritshmëria”, tha Josif Gorrea, kreu i Bashkisë Divjakë.
Por drejtoresha e përgjithshme e Institutit të Shëndetit Publik, Eugena Tomini, ka bërë me dije se dezinsektimi në vijën bregdetare, ligatina, laguna, parqe dhe bodrumet, erdhi pas një vlerësimi më parë të zonave të kuqe, të bërë nga ISHP, në bashkëpunim edhe me pushtetin vendor.
“Ne kemi habitate që janë laguna, kanale dhe zona urbane që shkojnë në 5340 hektar në të gjithë zonën bregdetare dhe ligantinore. Kemi një habitat tjetër që janë pusetat dhe bodrumet që në total shkojnë mbi 5 00 mijë metër katror. Veprojmë mbi format paraprake pa shkuar në mushkonjën adulte, pra ngordhim larvat dhe kjo është shumë e rëndësishme se duke parandaluar rritjen ne procesin e mushkonjës do kemi minimizim të prezencës së mushkonjave në bregdet, zonat urbane, dhe indirekt sëmundjet infektive që transmetohen përmes këtyre mushkonjave”, tha Tomnini.
Dezinsektimi pritet të zgjasë deri në tetor, ndërsa lënda biocide që po përdoret vepron vetëm mbi larvat e katër lloje mushkonjash.
“.....Është një proces ripetitiv, çdo dy javë bëhet një trajtim i ri, në bazë të kërkesave që vijnë nga njësitë vendore të kujdesit shëndetësor.”
Procesi i dezinsektimit për uljen e popullatave të mushkonjave ka vijuar edhe në të gjithë vijën bregdetare të Durrësit në kuadër të Programit Kombëtar të Dezinsektimit për vitin 2024 me qëllim sigurimin e një mjedisi sa më të pastër e të qetë për pushuesit dhe turistët.
Ministrja e Shëndetësisë dhe Mbrojtjes Sociale, Albana Koçiu së bashku me kryetaren e Bashkisë Durrës, Emiriana Sako, si dhe përfaqësues të Institutit të Shëndetit Publik, Operatorit të Shërbimeve të Kujdesit Shëndetësor me specialistë, monitoruan sot nga afër zonën bregdetare në Gjirin e Lalëzit ku është kryer procesi i dezinsektimit.
Kjo është faza e tretë e monitorimit entomologjik nga specialistët e ISHP-së dhe OSHKSH-së pas kryerjes së dezinsektimit, i cili rezultoi i suksesshëm.
Ajo shtoi se epidemiologët kanë evidentuar dhe vlerësuar zonën ku është kryer procesi me lëndë biocide e cila mbron mjedisin si dhe targeton disa tipologji mushkonjash të cilat janë të përhapura në këtë sezon.
Janë trajtuar rreth 10 hektarë kanale, pellgje, laguna, dhe po ashtu 1000 puseta në të dy zonat, Durrës dhe Gjiri i Lalëzit. Produkti i përdorur gjatë këtij procesi që është miqësor me faunën dhe florën.
Ministrja theksoi rëndësinë e zbatimit e masave higjieno-sanitare nga të gjithë, që nga pushteti vendor deri te strukturat akomoduese të pushuesve.
“Gjithashtu duhet që bizneset private brenda hapësirave të tyre të marrin masa për të kryer procesin”, theksoi ministrja e Shëndetësisë.
Kryetarja e bashkisë së Durrësit, Emiriana Sako tha se Durrësi ka tashmë vizitorë dhe turistë ndërkohë që po vijohet me pastrimin e gjithë vijës bregdetare.
Pas monitorimit entomologjik për prezencë të larvave, dezinsektimit me trajtim biocidin,
ekspertët e epidemiologjisë të NJVKSH dhe të ISHP-së rikthehen po në të njëjtat zona dhe rivlerësojnë prezencën e larvave.
Programi kombëtar i dezinsektimit për uljen e transmetimit të sëmundjeve infektive, shqetësimit nga mushkonjat dhe reaksionet alergjike që ato mund të krijojnë, është shtrirë në të gjithë vijën bregdetare, laguna, parqe, kanale, pellgje, bodrume dhe puseta.
Komente
Lajme të tjera
-
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
-
VIDEOLAJM/ ‘Dielli i Zi’ në Roskovec, spektakli magjepsës i zogjve shtegtarë
20 Nëntor, 15:05
-
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
merret ministrja me dizifektim...te marrte mortja moj ministre pa tru...i perdor edi rama si lecka kembesh...
Përgjigju