POP 5

Lajmet më të lexuara të 5 minutave të fundit

Kultura

Lufta në Izrael/ Mbrëmje ‘humanizmi’ në vend të Javës Kulturore! Në hollin e Operas vizitorët ndezin qiri për jetët ‘e thyera’ të 1400 viktimave

Konflikti Izrael-Hamas, pezullon Javën Kulturore të Izrealit. Në vend të saj, mbahet një mbrëmje dedikuar “Humanizmit”, ku fjalët e ambasadores dhe vepra e Rossinit “Stabat Mater Dolorosa” i dedikohen viktimave të terrorizmit.

Në Hollin e Operas, Ambasada  e Izrealit fton vizitorët të ndezin një qiri, për 1400 viktimat e terrorizmit të 7 tetorit që lamë pas. Të luten për shpirtrat e tyre, por edhe për pengjet e Hamasit, jetët “e thyera”.

Kjo do të duhej të ishte Java Kulturore Izraelite, por konflikti s’lë vend për festë. Në radhët e sallës së Teatrit, spektatorët mblidhen për një mbrëmje dedikuar “Humanizmit”... Ndërsa ambasadorja e Izraelit në Shqipëri Galit Peleg, sjell në vëmendje ngjarjen e një muaji më parë, që ndezi konfliktin si dhe bëri thirrje që për lirimin e pengjeve.

“Të dashur miq, ne ishim përgatitur që sot të nisnim Javën Kulturore Izraelite, me shumë aktivitete, muzikë, kërcim , kulinari... që ju të njihnit kulturën tonë dhe të argëtoheshit, por fatkeqësisht në 7 tetor, ekzaktësisht një muaj më parë, një organizatë terroriste e Hamasit, hyri në vendin tonë dhe kreu një nga masakrat më të mëdha”, tha ajo.

Me Orkestrën e dirigjuar nga Jacopo Sipari di Pescasseroli, jo rastësisht, është zgjedhur të performohet “Stabat Mater Dolorosa” e Rossinit, ku Shenjta Mari vajton humbjen e të birit Krishtit...

Mbrëmja u zgjodh të mbahej në mënyrë diskrete, që kjo formë ‘humanizmi’ e përcjellë përmes fjalës dhe muzikës, të ishte si një “përshpirtje” për viktimat e konfliktit Izrael-Hamas.

M.T//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • [email protected]: 20/05/2024 22:02

    Humanizmi në kohën e gjenocidit ose: Jeta jonë vlen më shumë se jeta e tyre

    Përgjigju
  • tot: 08/11/2023 20:31

    Hipokrit. Keta qe ofendojne Krshtin dhe nenen e tij (paqja e Zotit qofte mbi ta)

    Përgjigju
  • Shaban: 08/11/2023 17:37

    Ndizni edhe nje qiri per 10.000 viktimat civile palestineze se shpirt kane edhe ta.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23