Lufta në Ukrainë/ Xi dhe Lukashenko: Të punojmë për një armëpushim në Ukrainë! Bllokohet sulmi masiv me dron në Krime

Ministri i Jashtëm i Estonisë, Urmas Reinsalu ka thënë se Ukraina duhet ta fitojë luftën kundër Rusisë dhe se të gjitha shtetet duhet të sigurohen se Rusia duhet të mbaj përgjegjësi për krimet e kryera. 

"Është e rëndësishme të vazhdojmë të mbështesim Ukrainën për ta ndihmuar atë të fitojë luftën dhe të zbatojë dërgesën e përbashkët të municioneve të BE-së. Në të njëjtën kohë, ne duhet të sigurojmë zbatimin e sanksioneve ndaj Rusisë dhe ta izolojmë atë ndërkombëtarisht" kështu deklaroi sot ministri i Jashtëm i Estonisë, Urmas Reinsalu , në fund të takimit me ministrin finlandez të Çështjeve Evropiane, Tytti Tuppurainen.

 Gjatë takimit, i cili mbuloi mbështetjen e mëtejshme për Ukrainën, anëtarësimin në NATO të Finlandës dhe Suedisë dhe sigurimin që Rusia të mbahet ligjërisht përgjegjëse për krimet e kryera në Ukrainë - ministrat përsëritën mbështetjen e tyre të vendosur dhe synimin e vendeve të tyre përkatëse për të vazhduar dërgimin e ushtrisë. Reinsalu dhe Tuppurainen diskutuan gjithashtu mënyrat për të siguruar që Rusia të mbahet ligjërisht përgjegjëse për krimet e kryera në Ukrainë dhe procesin e krijimit të një gjykate speciale për krimet e agresionit.

Forcat ukrainase po mbajnë nën kontroll të gjitha seksionet e frontit, tha Presidenti Volodymyr Zelensky në një fjalim video. Zelensky foli disa orë pasi komanda ushtarake e Ukrainës tha se trupat ruse po përparonin pranë qytetit kyç të Bakhmutit , i cili ishte fokusi kryesor i sulmeve të rënda nga forcat ruse. 

Forcat ukrainase pretendojnë se kanë shkatërruar të paktën 130 tanke dhe transportues të blinduar të personelit gjatë betejës tre-javore pranë Vuhledar, në rajonin lindor të Donetskut. Deklarimin e ka bërë ushtria për  Neë York Times. 

Në raportin e saj, gazeta amerikane tha se beteja pranë qytetit të minierave të qymyrit Vuhledar kishte prodhuar atë që zyrtarët ukrainas e kishin përshkruar si "beteja më e madhe e tankeve të luftës deri më tani" dhe një "pengesë thumbuese për rusët".  Luftimet më të ashpra vazhdojnë të jenë në zonat lindore të Ukrainës, ku Rusia kërkon kontroll mbi të katër provincat që aneksoi ilegalisht.

Zyrtarët ukrainas kanë thënë gjithashtu se forcat ruse kanë vendosur trupa dhe pajisje shtesë, duke përfshirë tanke moderne T-90, në ato zona.

Rusia do të pranojë një rinovim të ri për ekportet e grurit nga portet ukrainase të Detit të Zi  vetëm nëse prodhuesit rusë të grurit lejohen të eksportojnë në tregjet ndërkombëtare. Kështu deklaroi ministri i Jashtëm Serghei Lavrov gjatë takimit me homologun e tij turk Mevlut Çavusoglu sot në Nju Delhi. 

"Pala ruse nënvizoi se vazhdimi i marrëveshjes për grurin është i mundur vetëm nëse merren parasysh interesat e prodhuesve rusë të mallrave në aspektin e aksesit të lirë në tregjet botërore", thuhet në deklaratën e Ministrisë së Jashtme të Moskës.

Marrëveshja, e ndërmjetësuar nga Turqia dhe OKB, u rinovua për 120 ditë nëntorin e kaluar dhe për këtë arsye do të përfundojë në mes të marsit.

Kancelari gjermam, Olaf Scholz ka deklaruar se në rastin e një sulmi, Gjermania do mbrojë NATO-n me çdo kusht.

 "Në rast të një sulmi, ne do të mbrojmë së bashku çdo metër katror të Aleancës sonë” , kështu deklaroi kancelari gjerman, Olaf Scholz, në një konferencë dypalëshe për shtyp me kolegun e tij letonez, Arturs Krisjans Karins .

Scholz shpjegoi se kapitulli mbi fuqinë e krahut lindor të NATO- s u diskutua në takimin dypalësh .

“Forca jonë na jep siguri”, shtoi ai.

Forcat e armatosura ukrainase po mbledhin përforcime drejt Bakhmutit,  ku dhjetëra mijëra ushtarë nga Kievi po ngrenë një rezistencë të ashpër dhe gjakderdhja po rritet dita ditës", u  shpreh sot në një video-mesazh  Yevgeny Prigozhin , kreu i grupit Wagner, i cili luan një rol udhëheqës në përpjekjet ruse për të marrë këtë qytet në Donbasin ukrainas.

Bjellorusia mbështet plotësisht iniciativën e Kinës për vendosjen e paqes dhe sigurinë ndërkombëtare, shumë prej të cilave u trajtuan në dokumentin e paqes prej 12 pikash të paraqitur nga Pekini për krizën ukrainase, të refuzuar megjithatë nga Kievi, SHBA dhe Evropa. Kështu tha presidenti bjellorus Alexander Lukashenko, një aleat i ngushtë i kreut të Kremlinit, Vladimir Putin, në bisedën e tij në Pekin me Presidentin Xi Jinping, sipas raportit të agjencisë zyrtare të lajmeve të Minskut, Belta.

Sekretari i Përgjithshëm i NATO-s Jens Stoltenberg ka ftuar presidentin ukrainas Volodymyr Zelensky në samitin e Aleancës që do të mbahet në Vilnius, Lituani, në korrik: këtë e tha vetë Stoltenberg në një intervistë për radion dhe stacionin televiziv lituanez LRT.

 "Unë e kam ftuar Presidentin Zelensky të marrë pjesë në samitin e NATO-s në Vilnius. Unë besoj fuqimisht se kjo do të jetë një shenjë e fortë e solidaritetit tonë, e mbështetjes që aleatët kanë për Ukrainën dhe shpresoj që zoti Zelensky të jetë në gjendje të marrë pjesë. Sigurisht, kjo do të varet nga situata në Ukrainë, e cila është ende në mes të një lufte”, tha ai.

Situata në Ukrainë është shumë e rënduar, përafërisisht në të gjitha zonat. Në Kherson, Krime dhe në zon të tjera rreziku është më i madh për shkak të sulmeve ruse gjatë mbrëmjes, të cilat kanë vazhduar edhe ditën e sotme. Pesë persona humbën jetën dhe shtatë të tjerë u plagosën gjatë bombardimeve të djeshme ruse në qytetin Kherson, në jug të Ukrainës, njoftoi Administrata Ushtarake Rajonale. Qyteti u godit 86 herë gjatë ditës. 

"Ata qëlluan nga MLRS (sistemet e raketave të shumëfishta lëshimi, red.), artileri, tanke, dronë dhe avionë. Kherson u bombardua nëntë herë nga ushtria ruse: edhe një herë ata goditën lagjet e banuara të qytetit," thuhet në deklaratë.

  Raporti në dukje se është prekur edhe zona e një ndërmarrje shtetërore si dhe disa banesa.

Rusët vazhdojnë të evakuojnë gadishullin e okupuar të Krimesë: raporton Shtabi i Përgjithshëm i Forcave të Armatosura të Ukrainës në faqen e tij në Facebook. "Edhe një herë është regjistruar evakuimi i disa kategorive të qytetarëve nga Krimea e pushtuar. Së fundmi, ushtarët e forcave pushtuese ruse të stacionuar në Perevalny (qëndrore-lindore, red.) dërguan familjet e tyre në Rusi", është ligji në raporti i ushtrisë. Në të njëjtën kohë, rusët po forcojnë mbrojtjen e tyre në gadishull dhe po ndërtojnë fortifikime.