Pas Uashingtonit, Volodymyr Zelensky do të udhëtojë në Mbretërinë e Bashkuar javën e ardhshme për t'iu drejtuar liderëve evropianë në takimin e katërt të Komunitetit Politik Evropian të planifikuar për 18 korrik në Pallatin Blenheim.
The Guardian shkruan ekskluzivisht duke nënvizuar se planet e udhëtimit të presidentit ukrainas konfirmohen rrallë, por një burim i tha gazetës britanike se është "90% e sigurt" që Zelensky do të jetë në Angli javën e ardhshme. Konferenca do të jetë takimi i katërt i Komunitetit Politik Evropian i nisur pas pushtimit rus të Ukrainës në shkurt 2022.
Konferenca e së enjtes është takimi i katërt i Komunitetit Politik Evropian, i iniciuar pas pushtimit rus të Ukrainës në shkurt të vitit 2022, ide e presidentit francez, Emmanuel Macron. Burime për Report Tv bëjnë me dije se pritet të jetë i pranishëm dhe kryeministri Edi Rama.
Avionet F-16 në Kiev por më pak sec kërkojnë
Ukraina do të marrë avionë luftarakë F-16 këtë verë, por në numër shumë më të vogël nga sa kishte shpresuar Kievi, bëjnë të ditur burime të NATO-s të cituara nga agjencia amerikane e lajmeve Bloomberg.
Kjo shpjegohet me vonesat, problemet me pjesët e këmbimit dhe pengesa gjuhësore midis pilotëve ukrainas dhe trainerëve të huaj. Ekziston gjithashtu frika se Ukraina nuk ka pista të mjaftueshme dhe se ato që ka janë shumë të prekshme ndaj sulmeve ruse.
Sipas një prej burimeve të Bloomberg, Kievi mund të jetë në gjendje të vendosë një skuadrilje F-16 prej 15 deri në 24 avionë: shumë më pak se 300 që kërkohen. Një tjetër burim i agjencisë amerikane të lajmeve thotë se Kievi pret të marrë gjashtë F-16 këtë verë dhe deri në 20 deri në fund të vitit.
Ukraina duhet të bëhet anëtare e NATO-s sa më shpejt të jetë e mundur për të garantuar sigurinë dhe stabilitetin në zonën euro-atlantike.
Kështu deklaroi ministri i Jashtëm ukrainas Dmytro Kuleba në një intervistë për CNN, duke shtuar se Kievi nuk mund "të presë edhe 75 vite për të festuar pranimin e Ukrainës".
Samiti tre-ditor i NATO-s në Uashington përfundoi me nisjen e Paktit të Ukrainës, një kuadër sigurie i nënshkruar nga 32 aleatë. Për më tepër, vendet e Aleancës konfirmuan rrugën "e pakthyeshme" të Kievit drejt anëtarësimit.
"Ne do të jemi plotësisht të lumtur vetëm kur Ukraina të bëhet anëtare e NATO-s dhe premtimi të mbahet. S' do presim 75 vite të tjera për të festuar pranimin e Ukrainës në NATO”, tha Kuleba.
Polonia po shqyrton një propozim nga Kievi për të rrëzuar raketat ruse që shkojnë drejt territorit polak ndërsa ato janë ende në hapësirën ajrore të Ukrainës.
Propozimi u përfshi në një marrëveshje bashkëpunimi për sigurinë e nënshkruar nga presidenti ukrainas Volodymyr Zelenskyy dhe kryeministri polak Donald Tusk në Varshavë këtë javë.
Zelensky tha se ishte "i bindur" se marrëveshja mund të zbatohej me shpejtësi, megjithëse Polonia do të konsultohet me NATO-n përpara se të përpiqet të rrëzojë ndonjë raketë ruse.
"Në këtë fazë, kjo është një ide. Ajo që tha marrëveshja jonë është se ne do ta shqyrtojmë këtë ide," deklaroi sot ministri i jashtëm i Polonisë Radoslav Sikorski për Institutin Amerikan të Ndërmarrjeve në Uashington.
Sikorski konfirmoi se raketat ruse të lëshuara nga zona e Shën Petersburgut drejt objektivave ukrainas kishin hyrë më parë në hapësirën ajrore polake për rreth 40 sekonda përpara se të ktheheshin drejt objektivave të tyre. Propozimi do të mbulonte çdo raketë që përshkon Ukrainën perëndimore në drejtim të Polonisë.
“Dilema jonë është si vijon. Nëse i rrëzojmë vetëm kur hyjnë në hapësirën tonë ajrore, mbeturinat janë një kërcënim për qytetarët tanë dhe pronën tonë. Dhe ukrainasit po thonë: 'Ju lutemi, nuk do të na pengojë, ta bëjmë atë në hapësirën tonë ajrore kur ata janë në rrezik të menjëhershëm për të kaluar në territorin polak’. Për mendimin tim, kjo është vetëmbrojtje, por ne jemi duke e eksploruar idenë," tha Sikorski./ Kosovapress/
Komente
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22
Mos këtë verë, verën tjetër me patjetër. Vera po mbaron. Zere sikur kanë ardhur.
Përgjigju