Lufta në Ukrainë/ SHBA njofton një paketë tjetër të ndihmës për Kievin

Këshilltari i Presidentit të SHBA-së për sigurinë kombëtare, Jake Sullivan, njoftoi gatishmërinë e një pakete të re të ndihmës mbrojtëse për Ukrainën, e cila do të përfshijë sisteme të reja të mbrojtjes ajrore, si dhe raketa tokë-ajër. 

“Sot, Shtetet e Bashkuara po shpallin një paketë të re ndihme sigurie për Ukrainën, duke përfshirë një kontribut të rëndësishëm në forcimin e mbrojtjes ajrore, raketa për sistemet Hawk, si dhe katër sisteme amerikane të mbrojtjes ajrore Avenger të pajisura me raketa Stinger”, tha Sullivan.

LEXO EDHE:
Sulm me dron në portin rus, raportohet për viktima dhe të plagosur

Sullivan gjithashtu vuri në dukje se gjatë qëndrimit të tij në Kiev javën e kaluar, ai pati mundësinë të diskutonte me Presidentin Volodymyr Zelensky se çfarë saktësisht i duhet Ukrainës tani për të forcuar në mënyrë më efektive pozicionin e saj në fushën e betejës. Ai theksoi se paketa aktuale e ndihmës do të jetë një shtesë "kritike e rëndësishme" për Ukrainën në sfondin e përdorimit nga Rusia të raketave dhe dronëve iranianë për të goditur infrastrukturën civile.

Lajmi kryesor:

Lufta në Ukrainë/ Rusia largon trupat nga rajoni i Kherson! Biden: Po humbasin! NATO: Duhet të presim

S.C/Shqiptarja.com

TAG:
• lufta ne ukraine
• rusia sulmon ukrainen