Lufta/ Prigozhin: Kundërofensiva e Kievit do të fillojë më 15 maj! Shkolla e mesme ruse sekuestrohet në Varshavë, Moska kërcënon me hakmarrje

"Java e ardhshme do të jetë shumë e rëndësishme nga pikëpamja e luftës sonë për drejtësi, për të ndëshkuar shtetin terrorist dhe të gjithë kriminelët e tij të luftës. Ne po punojmë për të krijuar një gjykatë për krimin e agresionit rus." 

Kështu deklaroi presidenti ukrainas Volodymyr Zelensky në fjalimin e tij të zakonshëm servile, të cituar nga Ukrainska Pravda.

Ushtria ukrainase është gati për një kundërofensivë e cila do të nisë më 15 maj. Kështu u shpreh kreu i grupit mercenar rus Wagner duke thënë se do të ketë një kundërsulm që ishte planifikuar por mund të jetë penguar nga moti i keq dhe probleme të brendshme.

“Ushtria ukrainase është gati për kundërsulm. Ajo u pengua nga moti i keq dhe ndoshta disa probleme të brendshme që duhej të zgjidhte. Ndoshta do të na japin pak pushim më 9 maj, por ofensiva do të fillojë 100% para 15 majit”, përfundoi ai.

Një zjarr i madh ka shpërthyer në një depo karburanti në Sevastopol, porti kryesor në Gadishullin e Krimesë në Ukrainë, i aneksuar nga Moska.Autoritetet thanë se shpërthimi ishte rezultat i një sulmi me dron.

Sevastopol është shtëpia e flotës ruse të Detit të Zi dhe është goditur nga një seri sulmesh me dronë që kur ofensiva e Rusisë në Ukrainë filloi vitin e kaluar.

Gjerësia e zonës së kapluar nga zjarri ishte rreth 1000 metra katrorë dhe retë e mëdha të tymit u ngritën në ajër.

Autoritete u bëjnë thirrje banorëve të Krimesë të qëndrojnë të qetë.Nga raportimet zyrtare u tha se askush nuk u lëndua.

Në fillim të kësaj jave, Rusia tha se kishte "zmbrapsur" një sulm me dron në port.Rusia aneksoi Krimenë nga Ukraina në vitin 2014.