Presidenti ukrainas Volodymyr Zelensky do të shkoj sot në Gjermani për të takuar ministrat e mbrojtjes të vendeve që mbështesin Ukrainën në luftën kundër Rusisë. Thuhet se në këtë takim me aleatët e tij ai do t’u kërkojë këtyre të fundit furnizime të reja, veçanërisht sisteme të mbrojtjes ajrore dhe raketa me rreze të gjatë veprimi.
Ndërkohë Mbretëria e Bashkuar ka njoftuar se do të furnizojë Ukrainën me 650 sisteme raketore për ta ndihmuar atë të forcojë mbrojtjen e saj ajrore në muajt e ardhshëm.
Gjatë një deklarate për shtyp Ministria e Mbrojtjes britanike tha se dorëzimi i parë i 650 sistemeve të raketave modulare të lehta (Lmm) do të bëhet para fundit të vitit, në bazë të një kontrate me vlerë 162 milionë paund (192 milionë euro).
Këto raketa do të bëhen nga grupi francez Thales në fabrikën e tij në Belfast, në Irlandën e Veriut.
Ato janë të dizajnuara "për t'u nisur nga një shumëllojshmëri platformash taktike tokësore, detare dhe ajrore" dhe mund të godasin si një objektiv tokësor ashtu edhe një dron në fluturim, sipas prodhuesit.
Dorëzimi i ri i raketave do të njoftohet sot nga ministri i Mbrojtjes John Healey, i pranishëm në takimin e grupit të kontaktit të aleatëve të Ukrainës në bazën ajrore amerikane në Ramstein të Gjermanisë.
CNN ka publikuar pamje të momentit kur ushtria ruse vret 3 ushtarë ukrainas të cilët ishin dorëzuar dhe gjunjëzuar.
Videoja, e cila është bërë virale, vërteton shkeljen që Moska zyrtare po i bën ligjit ndërkombëtar.
Ngjarja ka ndodhur në Pokrovsk në Lindje të Ukrainës, në gusht të këtij viti, ndërsa burime nga inteligjenca ukrainase kanë treguar për CNN, 15 raste të tilla, ku rusët vrasin ushtarët ukrainas të dorëzuar në vend që t’i zënë rob, sipas ligjit ndërkombëtar.
"I bëj thirrje Kinës të ndalojë së mbështeturi luftën e paligjshme të Rusisë. Kina nuk mund të vazhdojë të ushqejë konfliktin më të madh ushtarak të Evropës pa ndikuar në interesat dhe reputacionin e saj."
Kështu ka deklaruar Sekretari i Përgjithshëm i NATO-s, Jens Stoltenberg, në Oslo gjatë një takimi për shtyp me kryeministrin norvegjez Jonas Gahr Store.
"Kina është bërë një bashkëpunëtor vendimtar në luftën e Rusisë kundër Ukrainës, përmes partneritetit dhe mbështetjes së pakufizuar për industrinë ruse të mbrojtjes me transferimin e komponentëve të armëve, pajisjeve dhe lëndëve të para", tha ai.
Lajme të tjera
-
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45
