Ukraina shkatërroi një urë të rëndësishme strategjike mbi lumin Seym, ndërsa vazhdon inkursionin e saj në rajonin Kursk të Rusisë.
Zyrtarët rusë janë cituar të kenë thënë se operacioni pranë qytetit të Glushkovo ka prerë lëvizjen në rajon. Ura u përdor nga Kremlini për të furnizuar trupat e tij.
Presidenti Volodymyr Zelensky tha se trupat ukrainase po forcojnë pozicionet e tyre në Kursk dhe i quajti territoret e pushtuara një fond shkëmbimi, duke lënë të kuptohet se ato mund të shkëmbeheshin me rajonet ukrainase të pushtuara nga Moska.
![](https://shqiptarja.com/template/img/NO_ALFA_Kuadrate shqiptarja.png)
Moska thotë se Ukraina përdori sisteme raketore të prodhuara nga SHBA.
"Për herë të parë, rajoni i Kurskut u godit nga sistemet raketore të prodhimit perëndimor" tha Zëdhënësja e Ministrisë së Jashtme të Moskës, Maria Zakharova në një reagim në kanalin e saj Telegram.
Kjo është java e dytë e ofensivës ukrainase në Rusi, që kur Moska filloi pushtimin e saj në shkallë të plotë më shumë se dy vjet më parë.
Trupat ukrainase, të cilët kanë pushtuar rajonin rus të Kurskut pretenduan 2 ditë më parë se kishin marrë edhe kontrollin e qytetit të Sudzha si dhe 82 vendndodhje të tjera e mbi 1100 kilometra katrorë. Ndërkohë vijojnë të përparojnë me hapa të vegjël përtej qytetit Sudzhës, në drejtimin jug-lindor, informon Instituti për Studimin e Luftës (ISW) në Uashington, i cili citon disa blogerë ushtarakë rusë.
Nga ana tjetër
Shefi i ushtrisë ukrainase Oleksandr Syrskyi tha dje se forcat e Kievit po përparonin nga një deri në tre kilometra në disa zona në rajonin e Kurskut, 11 ditë pas fillimit të një inkursioni në Rusi. Kievi pretendon se ka marrë kontrollin e 82 vendbanimeve në një sipërfaqe prej 1,150 kilometrash katrorë në rajonin rus të Kurskut që nga 6 gushti. Ministria e Jashtme e Ukrainës e cilësoi këtë një tejkalim të madhësisë së territorit, që Rusia ka pushtuar në Ukrainë këtë vit.
Ndwrkohw Ministria ruse e Mbrojtjes thotë se zmbrapsi sulmet ukrainase pranë Gordeevka, Anastasyevka dhe Kauchuk, të gjitha vendndodhjet në rajonin e Kurskut të Rusisë midis 20 dhe 30 kilometra nga kufiri ukrainas.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)