Lufta/ Izraeli njofton sulme masive ajrore në Liban! Zhduket udhëheqësi i Hamasit në Gazë, frikë për fatin e tij! Egjipti: Ndoshta është vrarë

Ushtria izraelite deklaron se avionët luftarakë kryen "sulme të gjera në Liban", duke rritur frikën për një përshkallëzim të konfliktit. Ushtria nuk ka dhënë detaje të tjera për momentin mbi këto bastisje, të cilat vijnë pasi një raketë e lëshuar nga Libani vrau një grua dhe plagosi tetë persona të tjerë mëngjesin e sotëm në Safed, shkruan La Repubblica

Ushtria izraelite (IDF) ka publikuar një video të liderit të Hamas, Yahya Sinwar (filmuar nga pas) me gruan e tij, disa fëmijë dhe një burrë që i tregonte rrugën përmes një tuneli nën qytetin e Khan Yunis, në Rripin e Gazës. 
Këta janë imazhet e para të Sinwar pas sulmit te 7 tetorit dhe sipas IDF, ata janë regjistruar në fillim të luftës nga një kamera e Hamas, kamera me qark të ngushtë.

Takimi  ne pallatin e Kajros

New York Times raporton që negociatat në Kairo për lirimin e pengjeve janë shtyer edhe me tre ditë të tjera, sipas një burimi egjiptian. Sipas gazetës amerikane, bisedimet do të përfshijnë zyrtarë të niveleve më të ulëta, të cilët do të vijojnë të diskutojnë një plan të ri për një marrëveshje të mundshme për pengjet dhe armëpushimin.

Delegacioni i Izraelit, i udhëhequr nga drejtori i Mossad, David Barnea, mori të Martën aprovimin për t’u nisur për Kairo për të marrë pjesë në samitin që ka si qëllim të rivitalizojë negociatat mbi marrëveshjen e ngelur pezull. Bisedimet për palën amerikane po drejtohen nga shefi i CIA-s, William Burns, i caktuar nga presidenti Joe Biden.
Pjesëmarrës të tjerë janë edhe kryeministri i Katar-it (të cilit i janë ngarkuar për bisedime edhe kërkesat e Hamas-it) si dhe krerët e shërbimeve sekrete të Egjiptit dhe Izraelit.