"Luftë" padish, PD kallëzon
Ramën dhe 2 ministra për CEZ

Luftë padish mes Partisë Demokratike dhe Partisë Socialiste për çështjen ‘CEZ’.
 
Kallëzimit nga ana e Parlamentit të Sali Berishës, Shkëlzen Berishës dhe disa ish-ministrave të qeverisë ‘Berisha’, Partia Demokratike i është paditur me një tjetër padi.
 
Anëtarët e PD në komisionin hetimor për zgjidhjen e mosmarrëveshjes mes qeverisë shqiptare dhe CEZ, kanë kallëzuar dje në Prokurorinë e Përgjithshme kryeministrin Edi Rama dhe ministrat Damian Gjiknuri dhe Arben Ahmetajt.
 
“Anëtarët e pakicës në Komisionin Hetimor Parlamentar, kanë arritur në konkluzionin e pakontestueshëm se jemi përpara veprimeve dhe mosveprimeve, të kryera me dashje, në kundërshtim me ligjin, që përbëjnë mospërmbushje të rregullt të detyrës, nga disa persona që ushtrojnë funksione publike, dhe që i kanë sjellë shoqërisë “CEZ” a.s. përfitime material ose jomateriale të padrejta dhe që kanë dëmtuar interesat e ligjshëm të shtetit shqiptar, të qytetarëve shqiptarë dhe të personave juridikë publikë:, thuhet në padinë e PD.
 
Sipas PD, këto veprime apo mosveprime, sjellin përgjegjësi penale sipas nenit 25 dhe 248 të Kodit Penal, dhe në këto kushte bazuar në nenet 280 dhe 283 të Kodit të Procedurës Penale, deputetët demokratë parashtrojnë kallëzimin penal ndaj shtetasve Edi Rama, Damian Gjiknuri, Arben Ahmetaj, Shkëlqim Cani, Alma Hicka, Engjëll Agaçi, Armer Juka, Entela Cipa, dhe të gjithë anëtarët e tjerë të grupit të punës që kanë nënshkruar marrëveshjen e zgjidhjes me mirëkuptim midis R.SH dhe “CEZ” a.s.