LUKSEMBURG, 23 qershor /ATSH-AFP/ - Ministrat e Punëve të Jashtme të Bashkimit Evropian bënë thirrje për një armëpushim të menjëhershëm në Ukrainë dhe i kërkuan Rusisë të bëjë të pamundurën për të ndalur fluksin e luftëtarëve dhe materialeve ushtarake.
"BE u kërkon të gjitha palëve të arrijnë menjëherë një armëpushim dhe ta respektojnë atë për stabilizimin e situatës, për rikthimin e vërtetë të qetësisë dhe për krijimin e kushteve të nevojshme për zbatimin e planit të paqes te presidentit Petro Poroshenko'', theksuan ata në një konmunikatë të përbashkët me rastin e një këshilli të mbajtur në Luksemburg./ /ec/