'Lulëzojnë' shtëpitë e barit edhe në Shqipëri, operacioni anti-drogë  në Krujë do të shtrihet edhe në rrethe të tjera, në terren mbi 200 efektivë të RENEA dhe FNSH

Gazetari i "Report Tv", Arsen Rusta, ka dhënë të tjera detaje në lidhje me operacionin anti-kanabis që ka nisur në rrethin e Krujës që në orët e para të mëngjesit të sotëm. Në operacion janë përfshirë mbi 200 efektivë të RENEA e FNSH dhe do të shtrihet edhe në rrethe të tjera, Lezhë dhe Shkodër.

Gazetari Rusta bën me dije se për herë të parë, në zonat e kultivimit të kanabisit është përfshirë edhe zona e Dumresë, qyteti i Belshit dhe rrethinat e tij dhe Divjaka.

LEXO EDHE:
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat

Ky operacion anti-kanabis është më i madhi që ndërmerret në vend, pas atij në Lazarat, ndërsa tashmë duket se trafikantët nga kultivimi në terren të hapur, kanë filluar të rrisin bimë kanabisi me llamba nëpër bodrume apo banesa të braktisura.

Të ashtuquajtura 'shtëpi bari' duket se janë shtrirë tashmë në të gjithë vendin, ku disa raste janë evidentuar edhe më parë në Fier.

Ky mega-operacion i Policisë që ka nisur rreth orës 03:30 të mëngjesit të sotëm pritet të përfundojë në fundjavën e ardhshme.

TAG:
• fushe kruje
• kanabis
• krujë
• policia e shtetit

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1494

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq