TIRANE- Piktorja e njohur Lumturi Blloshmi do të rikthejë në Galerinë Kombëtare perfomancat e 25 vjetëve të fundit. Mes perfomancave të guximshme të realizuara pas viteve ’90, që shquhen për mesazhet e fuqishme artistike dhe sociale që artistja ia ka transmetuar publikut, më e “guximshmja” ka qenë ekspozita “Kama Sutra” me bretkosat e gatuara.

Ekspozita me 13 grafika në Galerinë Kombëtare të Arteve dhe 15 foto të performancave “Menu Kama Sutra” me bretkosa të skuqura mbetën gjatë në kujtesën e publikut. Blloshmi, pasi i fotografoi pamjet shtroi koktejin “Menu Kama Sutra” për t’u ngrënë nga vizitorët, shoqëruar me një gotë verë.