Zona e Lushnjes është një ndër zonat me rrisk të.lartë nga zjarret e shumta. Vetëm tre ditët e fundit janë rregjistruar 8 zjarre, kryesisht në zonat rurale ku më problematike ka qenë zona e Karbunarës ku u dogjën agrume ullishte e magazina fermerësh. Po kështu edhe zjarri i rënë në Karavasta ku u dogjën qindra rrënjë ullishte.

Në konkluzionet e dala nga specialistët e sektorit zjarrfikës Lushnje si dhe ekspertët e grupit hetimor, në të gjitha rastet zjarret janë shkaktuar nga djegia e mbeturinave bimore nga fermerët, të cilëve u del situata jashtë kontrollit.

Rasti më i fundit i zjarreve është ky i orës 17.30 në fshatin Rrupaj, njësia administrative Krutje ku zjarri ka dalë jashtë kontrollit dhe ka qenë ndërhyrja emergjente e zjarrfikësve që kanë dancit djegien e banesave serave dhe një parku me bletë.

Sotir Boçi banor në Fshatin Rrupaj shprehet se zjarri është i qëllimshëm dhe se rrezikuan të digjeshin banesat.

Përgjegjësi i sektorit zjarrfikës Lushnje zoti Xhezmi Metushi u bën thirrje fermerëve që të lirojnë rrugët e zëna si dhe mos të djegin mbeturinat bujqësore pasi jemi vetëm në fillim të stinës në nxehtë dhe se ligji do të veprojë me gjithë ashpërsinë e tij për ata që shkaktojnë zjarre.

 ‘Jemi në fshatin Rrupaj dhe sapo kemi përfunduar fikjen e një zjarri problematik që mund të bënte dëme të mëdha, na i dogj një pjesë sere dhe banesa pa u djegur. Terreni e ka bërë të pamundur që të shkohet deri në objektiv, kaluam nga ana tjetër e fshatit. U bëjë thirrje banorëve që të bëjnë kujdes. Edhe dje kam qenë këtu ka pasur 6 vatra zjarri’, tha ai. 

Vetëm ditën e djeshme janë ndaluar dy persona për zjarrvënie në lushnje, ndërsa sot në Rrupaj ka zbarkuar policia dhe grupi hetimor pasi është e dyta ditë radhazi që shkaktohet zjarr dhe dyshohet se ka qenë i qëllimshëm
S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Korrik, 08:12

    Aksioni ndaj objekteve pa leje në sezon turistik, a dëmtohet imazhi i vendit?

Lajme të tjera