POP 5

Lajmet më të lexuara të 5 minutave të fundit

Sociale

Lushnjë, 800 banorë pa shërbim mjekësor në Kamçisht! Infermierja doli në pension, nuk gjendet zëvendësues

Prej 6 muajsh është mbyllur qendra shëndetësore e fshatit Kamçisht në Lushnje dhe rreth 800 banorë kanë mbetur pa shërbim mjekësor. Infermierja ka dalë në pension, ndërsa institucionet e shëndetësisë nuk gjejnë zëvendësuese, pasi asnjë infermiere e re nuk aplikon për punë në këtë fshat.

Prej 6 muajsh fshati Kamçisht në njësinë administrative Bubullimë të Lushnjës nuk ka shërbim mjekësor për shkak se infermierja ka dalë në pension.

Tashmë 800 banorët e Kamçisht edhe për një injeksion duhet të shkojnë në fshatrat fqinjë apo edhe në Lushnje.

“Ne këtu pjesa më e madhe jemi pensionistë. Për të bërë një matje tensioni apo një gjilpërë duhet të shkojmë në Bubullimë. Duhet të marrim taksi dhe kushton 5 mijë lek”, thanë banorët, duke shtuar se “për tu vizituar tek mjeku duhet të shkojmë në Lushnje”.

Qendra Shëndetësore qëndron e kyçur edhe pse banorët kanë kërkuar me insistim emërimin e një infermiereje.

“Qendra shëndetësore ka qenë funksionale me të gjitha mjetet, por tani e kanë mbuluar ferrat. Infermierja që është banore e fshatit tonë doli në pension në muajin qershor. Disa here kemi kërkuar të na sjellin një tjetër infermiere por asnjë institucion s’na përgjigjet”, thanë ata.

“Report tv” kontaktoi drejtorin e Fondit të Sigurimit të Detyrueshëm të Kujdesit Shëndetësor, dega Lushnje i cili tha janë bërë procedurat e zëvendësimit, por në sistem nuk ka aplikuar asnjë infermier për në Kamçisht.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/10/2023 01:12

    Infermieret kane aplikuar per Gjermani njelloj si mjeket,nuk aplikon njeri per ne qytete e fshatra te humbur,apo ne fund te botes, po te jete puna per ne QSUT ne mes te Tiranes,atehere edhe mundet.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05