Lushnjë/ ‘Asnjë i bllokuar në qendrën tregtare, po kontrollohet godina e fundit’, kreu i Urgjencës Kombëtare, Brataj: 42 persona në spital, 8 zjarrfikës dhe tre fëmijë

 

Kreu i Urgjencës Kombëtare, Skënder Brataj ka bërë me dije se 42 persona janë dërguar në spital të asfiksuar nga zjarri i rënë në ndërtesën e qendrës tregtare Metropol në Lushnje që u përhap më pas në apartamentet që ndodheshin në të njëjtën ndërtesë. Siç nënvizon ai mes tyre 8 persona janë personel zjarrfikës, kurse tre janë fëmijë një 7 vjeç dhe 2 nga 14 vjeç. Sipas Bratajt momentalisht nuk ka persona të bllokuar, por kontrollet vijojnë në ndërtesën e fundit.

“Nga 42 persona, 8 personel zjarrfikës dhe tre fëmijë. Dy fëmijë e kanë lënë spitalin, një është në observim. Nuk ka kode të rënda të kuqe, nuk rrezikon njeri jetën. Ka thjesht intoksikime nga tymi. Nuk ka djegie"

LEXO EDHE:
TEC në tokë bujqësore? Këshilli bashkiak i Roskovecit miraton planin që i hap rrugë ndërtimit, banorët kundërshtojnë

“Janë krehur 3 godina, për të parë nëse ka ende banorë. Shërbimet e urgjencës janë këtu. Nuk besoj se do ketë pasoja për pacientët në spital. Dy fëmijë ishin 14 vjeç, njëri 7 vjeç. Nuk ka kode të vështira. Janë kontrolluar 3 godinat, po hapet çdo derë për të parë nëse ka persona të tjerë të bllokuar. Por deri tani nuk rezulton asnjë person i bllokuar si në qendrën tregtare si në godinat përreth", tha ai.

Lajmi kryesor:

Lushnjë/ Shuhet pas më shumë se 10 orësh zjarri në qendrën tregtare 'Metropol'! Autoshkalla mbërriti pas 8 orësh! 42 në spital, mes tyre 3 fëmijë e 8 zjarrfikës (VIDEO+FOTO)

B.K/r.k./Shqiptarja.com

TAG:
• digjet qendra tregtare
• qendra tregtare metropol
• zjarr
• Fier
• lushnje