LUSHNJE - Nëna mbyt djalin e saj me litar ndërsa flinte dhe më pas e mban 12 orë në shtëpi para se të lajmërohet policia. Ngjarja e rëndë ka ndodhur në qytetin e Lushnjës, teksa mësohet se viktima është Pëllumb Ahmetaj 40 vjeç, ndërsa autorja është nëna e tij Hatixhe Ahmetaj 71 vjeçe. Në deklaratën e saj, kjo e fundit është shprehur se nuk i ka duruar dot më shumë vuajtjet dhe torturat e të birit dhe e ka mbytur sapo ka shkuar në shtëpi.
NgjarjaVrasja e rëndë ka ndodhur mbrëmjen e së dielës në banesën e familjes Ahmetaj, në katin e pestë të një pallati në lagjen “Gafurr Muço”. Krimi në familje, i cili tronditi qytetin e Lushnjës, u zbulua nga të afërm të viktimës, të cilët menjëherë kanë lajmëruar edhe forcat e rendit. Burime pranë policisë së qytetit të Lushnjës bëjnë me dije se Pëllumb Ahmetaj ka shkuar në shtëpi në gjendje të dehur. Gjendja e rëndë në të cilën 40-vjeçari ndodhej, ka bërë që të krijonte debate të ashpëra me nënën e tij. Nga konflikteti i ndodhur mes tyre, kjo e fundit nuk e ka duruar dot dhe e ka vrarë duke e lidhur me një litar në qafë.
Hetimet Sipas hetimeve policore të rrethit të Lushnjës dhe këqyrja e trupit të 40-vjeçarit, janë vërejtur shenja në qafë çka e ka shtyrë policinë të konkludojë se ai është mbytur me litar. Sipas burimeve, Hatixhe Ahmetaj, e lodhur nga problemet e shumta që i sillte i biri problematik dhe përdorues droge, e ka mbytur atë në orët e vona të natës në banesën ku të dy jetonin. “Djali ishte i dehur.
E kam lidhur me litar dhe e kam shtënguar derisa e mbyta. Jetonim të dy vetëm, dhe vetëm vuajtje kam pasur prej tij”, ka rrëfyer e moshuara në polici. Ndërkohë, Anila, një banore e lagjes “Gafurr Muço” ka shprehur se Pëllumb Ahmetaj, prej disa vitesh ishte përdorues i rregullt i lëndëve narkotike dhe se shpesh herë ushtronte edhe dhunë fizike ndaj nënës së tij të moshuar. Gjithashtu, banorja e kësaj lagjeje ka theksuar se ky nuk është rasti i parë që kjo familje ka konflikte mes tyre.
Ata janë përballur edhe herë të tjera me të njëjtën situatë, por kjo e fundit ka qenë më e rënda, pasi ishte edhe fatale për të birin 40-vjeçar. Por, makabriteti i kësaj ngjarjeje nuk merr fund këtu, pasi sipas burimeve të Policisë së Lushnjës, e moshuara është përdhunuar nga djali i saj vite më parë, por nuk ka bërë denoncim në polici. Vrasjen e të birit e ka pranuar edhe vetë e ëma e tij, ndërsa blutë e Lushnjës vijojnë punën për zbardhjen e rrethanave të plota të kësaj ngjarjeje.
Redaksia online
(f.m/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.6%
-
Jo
18%
-
Ndoshta
11.4%
Vota total: 1576
Votat totale janë unike
Lajme të tjera
-
Dhjetra kamionë në radhë në doganën e Kosovës, vështirësi në hyrjen e mallrave nga Shqipëria
23 Korrik, 13:40
-
A ndjeni ju veten përgjegjës ‘pazarin’ e Zgjedhores kur e latë 2 vite të braktisur Komisionin? Ja si përgjigjet Basha
23 Korrik, 13:26
-
Historia e punonjësit të Policisë që bleu shtëpi me zero interes në Shkodër: Ftoj të gjithë kolegët e mi të aplikojnë, është një mundësi e mirë
23 Korrik, 13:23
-
KLSh kërkon shkarkimin e Drejtoreshës së buxhetit! Shalsi e thërret në ballafaqim me Shehun në Komisionin e Ekonomisë
23 Korrik, 13:22
-
Pse Belind Këlliçi ndërpreu akuzat për kompaninë Qefalia dhe fshehu firmën e Bashkim Ulajt?
23 Korrik, 13:05
-
Manastirliu prezanton projektligjin për hapjen e filialit të Universitetit spanjoll në Gjirokastër: Alternativë e re studimi me standarde europiane
23 Korrik, 13:00
-
Frrok Çupi: Kush do të vritej dje në Bashki?
23 Korrik, 12:48
-
Durrës/ Plagosi 70 vjeçarin për borxhin e të birit, publikohen pamjet si ndodhi ngjarja
23 Korrik, 12:40
-
Mashtronte qytetarët duke u premtuar programe arsimi dhe udhëtime falas në SHBA, Ambasada Amerikane reagon pas arrestimit të 20-vjeçarit
23 Korrik, 12:29
-
Mat/ I vuri zjarrin tokës, por u dogj dhe vetë! Ndërron jetë në spital i moshuari
23 Korrik, 12:20
-
‘Pazar me reformën zgjedhore’, Basha: Duan mbylljen e listave! Do ta kalojnë të enjten në Kuvend! Sot dorëzojmë rekursin në Gjykatën e Lartë për vulën
23 Korrik, 12:13
-
Projekt-ligji për Policinë e Shtetit hap diskutimet te ‘Siguria'/ Prençi: Të shihet koha e mbajtjes në rajon, Naço: Nga 12 orë është propozuar 5
23 Korrik, 12:07