Në lagjen “Loni Dhamo”, të qytetit të Lushnjes në banesën e Albert Taullaut ka shpërthyer një sasi e vogël lënde plasëse, eksploziv. Aktualisht në banesë nuk banon njeri, pasi para disa muajsh Taullau është larguar jashtë vendit së bashku me familjen e tij. Albert Taullau është vëllai i Saimir Taullaut, personit që i’u bë atentat në tetor të vitit 2018. Fatmirësisht Taullau i shpëtoi atentatit mbrëmjen e 24 nëntorit të vitit 2018, pasi dy persona të maskuar qëlluan me breshëri drejt lokalit, tek rrethrrotullimi i Plugut. Ai mori vetëm një plumb ku u dërgua për ndihmë mjekësore, por të nesërmen u arratis nga ambjentet e spitalit. 47-vjeçari njihet si person me precedent të mëparshëm penale. Mësohet se në vitin 2005 atij iu vra një vëlla tjetër ku për këtë ngjarje akuzoi bandën e Aldo Bares. Policia po vazhdon hetimet për zbardhjen e plotë të kësaj ngjarje.
Historiku / Atentati në nëntor 2018 ndaj Saimir Taullaut
Saimir Taullau, biznesmenit nga Lushnja, iu bë një atentat mbrëmjen 24 nëntor 2018 në rrethrrotullimin e Plugut, para lokalit të tij. 47-vjeçari është vëllai i Baki Taullaut dhe është i skeduar nga Policia e Shtetit si një person me precedent të mëparshëm penalë. Në tetor të vitit 2017, atij iu bë një tjetër atentat, por sërish ai ka arritur të shpëtojë me vetëm një plumb. Saimir Taullau, njihet si një biznesmen në Lushnje, por aktivitetin e tij e ka zgjeruar edhe në Greqi dhe Itali.
Familja Taullai njihet si rivale e fortë e Aldo Bares. Në vitin 2005, Baki Taullau u vra, ndërkohë që Saimiri, vëllai i tij, ishte dëshmitar në gjyq, ku ka dëshmuar dhe ka akuzuar si autorë të vrasjes, pjesëtarët e këtij grupi me urdhër të Bares. Konflikti ka nisur në vitin 1997, kur banda e Aldo Bares rriti influencën në Lushnje. Familja Taullau kishte në pronësi një pikë karburanti dhe disa biznese. Bare kërkoi të rekrutonte në grup Saimir Taullaun, i cili refuzoi. Nga ky moment, banda nisi të vendosë gjoba për familjen, duke përfunduar në vrasjen e Baki Taullaut.
Familja e tij, ka patur gjithnjë përplasje me grupin e Aldo Bares, për shkak të një gjobe të vendosur gati 2 dekada më parë me vlerë 500 mijë euro, p ngjarje ende nuk është zbardhur.
Në dëshminë e tij, para gjykatës në vitin 2008, Saimir Taullau, ka thënë se i vëllai i tij, Baki Taullau, ishte pre e gjobave të grupit të Aldo Bares. Siç dëshmonte asokohe Taullau, i vëllai i tij i kishte paguar disa herë gjobat që grupi i Bares i kishte vendosur, dhe kur ai nuk i pagoi më, atëherë atë e vranë.
Dëshmia e plotë e Saimir Taullaut, për vrasjen e të vëllait para gjykatës
“Është gjynah të them që nuk i njoh këta persona. I njoh edhe për fytyra për shkak të presioneve që shpesh i bënin me telefon vëllait tim, Bakiut. I kërkonin para. Por, presionet për t'i marrë para nuk ia bënë vetëm një herë, por shumë herë. Presionet i bëheshin për mua. Nuk di se çfarë kishin me mua, pasi unë nuk jam përplasur asnjëhere me ta. Në kohën kur filluan presionet për gjobat, unë isha në Itali. Sapo kisha dalë nga burgu. Ika në Greqi dhe më pas në Itali. Unë dhe vëllezërit e mi, punonim bashkë në bizneset tona.
Enver Dondollaku, Ilir Stergu e Leonard Prifti, e merrnin shpesh në telefon vëllanë dhe i bënin presion se do më vrisnin mua. Që të mos e bënin këtë, ata i kërkonin një shumë eurosh. Nga sa më kanë treguar mua, një herë i ka çuar vëllai tjetër, Berti 10 mijë euro, më pas ka pasur gjoba të tjera të vëna, disa edhe të paguara. Por, Bakiu kishte një veti që nuk fliste shumë. Të vetmit që mund t'i ketë treguar disa gjëra ishte Berti, vëllai tjetër, i cili rrinte edhe te karburanti i tij. Mbaj mend që gjoba e fundit ka qenë 500 mijë euro, e cila nuk u pagua dhe solli vrasjen e vëllait.
Nga sa di unë, sepse gjatë kërcënimeve të fundit kam qenë në Shqipëri, Bakiut i kishin kërkuar 500 mijë euro ata të bandës, ndërkohë që në të kundërt i kërkonin letrat e një toke që kishte në Tiranë. Bëhet fjalë për periudhën janar-shkurt 2005. Erdhi Ilir Stergu, me një tjetër për t'ia kërkuar këto para. Madje më thirrën edhe mua për një kafe. Një ditë tjetër, kur isha te karburanti, më telefonuan dhe më thanë se te "Varrezat e Dëshmorëve", më priste Enver Dondollaku. Shkova, por aty nuk gjeta Dondollakun, por Leonard Priftin me pistoletë në dorë.
Më kërkoi Bakiun, i thashe se Bakiu ishte në shtepi dhe telefonin e kisha lënë në lokal dhe nuk mund ta lajmëroja dot. Por po kthehesha ta lajmëroja dhe për gjysme ore do vija sërish aty. Mora vëllanë në telefon dhe i thashë të mos dilte në takim dhe i tregova se çfarë kishte ndodhur. Natën që po festonim fitoren e zgjedhjeve të qershorit 2005, në sheshin ku ishim mbledhur, erdhi Leonard Prifti me një kapele në kokë dhe një djalë tjetër biond. Prifti qëlloi vëllain tim, Bakiun për vdekje, ndërsa ai ,djali biond, m'u qep mua për të më vrarë. U sulëm nga anë të ndryshme për të shpëtuar dhe më vonë mësova për vrasjet”.
Komente
Lajme të tjera
-
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
-
Lushnjë/ ‘Benzi’ përplas 66-vjeçarin me motor në aksin Fier-Shegan - Krutje (EMRI)
19 Dhjetor, 17:50 -
AKU/ 20 ton mandarina do të asgjësohen në Divjakë
19 Dhjetor, 16:37 -
Aksident në aksin Lushnjë-Berat/ Makina përplas për vdekje 63 vjeçarin nga Durrësi (EMRI)
17 Dhjetor, 13:55 -
Lushnjë/ Digjet automjeti në rrugën Fier-Shegan-Krutje! Shoferi sapo pa tymin që dilte nga motori njoftoi zjarrfikësit (VIDEO)
16 Dhjetor, 16:54
-
Kukës/ Po kontrabandonin nëpërmjet Morinës lëndë piroteknike për tregun shqiptar, arrestohen 2 të rinjtë në kufi (VIDEO)
16 Dhjetor, 14:06 -
Lushnjë/ Shkrumbohet dyqani në fshatin Delisufaj, shkak shkëndija elektrike
13 Dhjetor, 13:43 -
Lushnjë/ Vodhi një automjet dhe 2 arka kursimi në një market, arrestohet autori! I dënuar më parë për vjedhje (EMRI)
11 Dhjetor, 16:57 -
Lushnje/ Vjedhin marketin dhe marrin ‘Opel-in’ në banesën aty afër, pronari i makinës: Autorët kanë prerë kyçin e portës! Policia gjen automjetin në Golem (VIDEO)
11 Dhjetor, 08:53
-
Lushnjë/ Aksident në bulevardin e qytetit, makina përplas të moshuarin kur po kalonte rrugën! Policia ndalon shoferen, 75-vjeçari rëndë në spital (VIDEO)
10 Dhjetor, 18:09 -
Njihuni me Darësinë, zonën me numrin më të madh të serave dhe qindra rrënjë ullinj! Sefa: Po zhvillohet agroturizmi
10 Dhjetor, 14:34
Shoqeri me instikte të theksuar primitivë, motive primitivë (më the e të thashë, më thanë e i thamë), që i përparaprijnë Mesjetës së hershme shek 10, por që jeton në shek e 21.
Përgjigju