POP 5

Lajmet më të lexuara të 5 minutave të fundit

Kronikë

Lushnjë/ Taksia del nga kthesa dhe bie në kanalin kullues, plagoset shoferja 40-vjeçare! Dyshohet se ishte me shpejtësi, aksi burim aksidentesh (VIDEO)

Ngjarja pasditen e sotme, në aksin kombëtar Lushnjë-Berat. Drejtuesja dyshohet se humbi kontrollin pasi ishte me shpejtësi dhe ra në kanal. U desh ndërhyrja e zjarrfikësve për ta nxjerrë, ndodhet nën kujdesin e mjekëve në spital. Trafik në rrugë, ky segment burim aksidentesh

Lushnjë- Një aksident ka ndodhur pasditen e sotme (3 Tetor) në aksin kombëtar Lushnjë-Berat.

Një mjet tip “Volkswagen” që shërbente si taksi, ka dalë nga rruga në afërsi të fshatit Kashtbardhë, në kthesën që kalon këtë zonë.

Në timonin e veturës ka qenë një 40-vjeçare me inicialet M.Sh., e cila ka humbur kontrollin dhe për pasojë ka dalë nga rruga. Mjeti ka përfunduar në kanalin kullues.

Drejtuesja e mjetit është dërguar me urgjencë në spitalin e Lushnjës, ku dhe është nën kujdesin e mjekëve, kurse për nxjerrjen e saj nga makina është dashur ardhja e zjarrfikësve të Lushnjës. Siç shihet edhe nga pamjet, makina ka marrë dëmtime të rënda.

Policia vendore dhe ekspertët rrugorë shkuan në vendngjarje dhe po kryejnë dokumentimin e aksidentit. Ngjarja krijoi edhe trafik të përkohshëm në rrugë.

Paraprakisht dyshohet se drejtuesja e mjetit ka humbur kontrollin për shkak të shpejtësisë, me të cilën po lëvizte, teksa pritet përmirësimi i gjendjes së saj shëndetësore, për ta marrë në pyetje dhe po verifikohet dokumentacioni nëse ajo është pronare e mjetit taksi, apo e kishte në përdorim.

Kthesa në fjalë është shumë e rrezikshme, ku edhe barrierat anësore të hekurta janë dëmtuar dhe shqyer nga daljet e shpeshta të makinave nga rruga në këtë segment.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Logjika politike e guerriles së senatorëve të Sali Berishës

Ylli Pata: Logjika politike e guerriles së senatorëve të Sali Berishës

24 Dhjetor, 18:33 nga Ylli Pata