Më parë kërkoj të dhëna
në internet, pastaj te mjeku

Përditë e me shumë rritet numri i njerëzve në botë, të cilët para se të shkojnë tek mjeku, konsultohen në internet për problemet shëndetësore që kanë. Sapo dikush merr vesh se vuan edhe nga një sëmundje e rëndë siç është një tumor “hidhet” menjëherë në internet me pyetjet: Nga çfarë lloj kanceri vuaj? Si duhet të kurohem? Ku mund të mjekohem më mirë? A është i shërueshëm?

Kjo është një skemë, që sipas statistikave më të fundit, gjatë vitit 2010 është përsëritur për 13.3 milionë herë, aq sa janë rastet e reja me tumor në botë. “Një nga mënyrat më të shpejta dhe që mund të ndihmojë është të kthehesh në shtëpi, të ndezësh kompjuterin dhe që nga google, facebook, twitter, të marrësh një rrjet të vyer informacioni – thotë Gordon McVie, ideuesi dhe përgjegjësi I ecancerHub, një platformë falas, e prezantuar në Kongresin e Shoqërisë Europiane të Onkologjisë mjeksore në Stokholm, si I pari socialnetëork apostafat për “planetin Tumor”. Nëse të sëmurët kanë nevojë të dinë, do të thotë se nuk arrijnë të marrin nga mjekët përgjigjet e mjaftueshme. Keshtu pacientët kërkojnë gjithnjë e më shumë përgjigje në internet, kërkojnë këshilla në facebook nga njerëz që kanë kaluar të njëjtën sëmundje dhe dinë se ç’është dhe si janë efektet anësore.

Si historia e mjekut Gilles Frydman, pioner i komunitetit mjekësor online dhe themelues që në vitin 1995 i Association of Cancer Online Resources (Acor). Kjo është historia tipike e asaj që ndodh çdo ditë: atë vit gruas së tij iu diagnostikua tumor në gjoks. Pasi mori vesh lajmin Frydman u fut në internet për të mësuar gjithçka. Gjen një ëebsite që ishte ngritur nga familjarë dhe pacientë dhe aty mësoi se tumori I gruas së tij nuk ishte invaziv dhe se ku mund të shkonte për të zgjidhur problemin. Kështu gjeti në internet emra, numra telefoni dhe gruaja e tij, pas nndërhyrjes kirurgjikale miniinvazive sot është e shëruar.