POP 5

Lajmet më të lexuara të 5 minutave të fundit

Arkiva

Majko dhe Harito batuta
me fëmijët për 1 qershorin

“Teknologjia që ëndërrojmë”, është nisma më e re e Partisë Socialiste. Me rastin e 1 qershorit, ditës ndërkombëtare të fëmijëve, deputetët e PS u dhuruan disa tableta android fëmijëve që janë në klasën e parë.
Majko dhe Harito batuta<br />me fëmijët për 1 qershorin
TIRANE - “Teknologjia që ëndërrojmë”, është nisma më e re e Partisë Socialiste. Me rastin e 1 qershorit, ditës ndërkombëtare të fëmijëve, deputetët e PS u dhuruan disa tableta android fëmijëve që janë në klasën e parë. Në fjalën e tyre, deputetët Pandeli Majko dhe Milena Harito, u shprehën se pas 23 qershorit, ky projekt do të shtrihet në të gjithë vendin.

Në takimin e tyre nuk munguan as shakarat me fëmijët. “Në qoftë se në vitin 1992, Milena do të vinte dhe do më thoshte që ky aparat celulari do të ishte pjesë e pandashme e brezit tim, unë me siguri do të tallesha. Do të thosha: Milena Harito ti nuk je në terezi”. Por, ja që unë sot jam me Milenën në Selitë për një projekt që ngjalli shumë debate kur u shpall në Konventën e Partisë Socialiste ku u prezantua programi.

Të gjithë thamë se çfarë është kjo. Në fakt është një projekt ëndrre”, tha Majko. Ndërkohë që nga ana e saj, anëtarja e PS iu kundërpërgjigj mes batutave kolegut të saj Majko. “Është e vërtetë që kur fillova të përshkruaja këtë projekt në instancat e PS-së, Pandi ishte nga ata që qeshte. Jam shumë e lumtur që më mbështet në këtë projekt.

Kjo nuk është fare një ëndërr”, tha  Harito. Festën e fëmijëve e përshëndeti dhe kreu i PS, Edi Rama i cili u takua me fëmijët jetimë në qytetin e Vlorës. “Të jemi këtu bashkë me fëmijët jetimë dhe me fëmijët e tjerë të lagjes.

Me dëshirë të madhe duke ju uruar këtë 1 qershor fëmijëve, zotohemi se do bëjmë ende shumë më tepër për ta, për të gjithë fëmijët e Vlorës, për të gjithë fëmijët që kanë nevojë shumë për kushte më të mira, për kushte më të mira në çerdhe, në kopshte, në shkolla, në lagje. Kanë nevojë për hapësira dhe për aktivitete që t’i shërbejnë mirë rritjes së tyre”, tha Rama.

Shkrimi u botua sot në gazetën Shqiptarja.com (print) 02.06.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

27 Nëntor, 19:39