MAT- Një makinë ka rënë nga ura duke përfunduar në rrjedhën e lumit Mat. Aksidenti është shënuar rreth orës 13. 45 minuta, dhe makina dyshohet se ka dalë nga ura e quajtur si ura e Shul Batrës. Policia ka nxjerrë nga lumi një person të vdekur ndërsa mendohet se në makinën tip BMW me targa italiane mund të ketë pasur dhe persona të tjerë, kjo bazuar dhe në dëshmitë e disa kalimtarëve. Sipas policisë viktima që është nxjerrë nga uji është Albert Guzha, dhe dyshohet se po udhëtonte me familjen e tij. Policia nis kërkimet dhe po punon për nxjerrjen e makinës nga ujrat e lumit Mat.