Po ndiqte hajdutët e lopës/ 57-vjeçari humb kontrollin e mjetit dhe vdes në vend, plagoset djali (VIDEO)

Një aksident rrugor i ndodhur rreth orës 05:30 të mëngjesit, në vendin e quajtur "Tre urat" në Divjakë i ka marrë jetën një 57-vjeçari, Agim Muça ndërkohë që ka mbetur i plagosur djali i tij.

Report tv mëson se 57-vjeçarit, gjatë natës i kanë marrë në banesë bagëtinë. Ai është vënë në ndjekje të autorëve dhe për pasojë ka humbur kontrollin mjetit.

Mësohet se viktima po drejtonte mjetin  tip "Ford" i cili ka dalë nga rruga duke e lënë atë të vdekur në vend ndërkohë që djali i tij Rr.M, ndodhet nën kujdesin e mjekëve.

Policia njofton se grupi hetimor i cili ka shkuar në vendngjarje po punon për kapjen e autorëve të vjedhjes.

Foto + video nga vendi i ngjarjes

m.v./r.k./Shqiptarja.com
Komento